पुण्यातील 'तो' वादग्रस्त फलक हटवण्याची मागणी

मयुर काॅलनी (पुणे) : पुणे महापालिकेच्या वतीने कोथरुडमधील पहिला उड्डाणपुल दशभुजा गणपती येथे बांधण्यात आला. या पुलाचे काम १९९६ साली सुरु झाले. त्यावेळी या पुलाचे नामकरण स्वातंत्र्यवीर वि. दा. सावरकर असे करण्यात आले. आता या पुलाखाली नव्याने जो नामफलक बसवण्यात आला आहे, त्यावर संकल्पना म्हणून आमदार चंद्रकांत पाटलांचे नाव टाकण्यात आले आहे. यावरून चांगलाच वाद सुरू झाला आहे. 

अरे वा, 95 वर्षांच्या आजीबाईंची कोरोनावर मात 

दरम्यान, इतरांनी केलेल्या कामाचे श्रेय घेत आयत्या पीठावर रेघोट्या मारण्याचा हा उद्योग आहे. फलक लावण्याची संकल्पना तुमची असेल पुल उभारण्याची नव्हे. त्यामुळे फलकावर या बाबी पण स्पष्ट केल्या असत्या तर बरे झाले असते. मुळातच अशा प्रकारे नागरिकांच्या खर्चातून फलक लावतातच कशाला. रस्ता, पुल, वा महत्वाच्या ठिकाणी लावले जाणारे नामफलक, दिशादर्शक फलकांवर अशाप्रकारे स्वतःचे नाव लावणे हे बंद करावे. सदर बोर्ड पुढील ७ दिवसात काढला नाही तर महाराष्ट्र जोशी समाज संघटनेच्या माध्यमातून तो काढण्यात येईल अशी मागणी महाराष्ट्र जोशी समाज संघटनेचे उपाध्यक्ष निलेश प्रकाश निकम जिल्हाधिकाऱ्यांना निवेदन देऊन केली आहे.

पुण्याच्या इतर बातम्या वाचण्यासाठी येथे क्लिक करा

यावेळी महाराष्ट्र जोशी समाज संघटनेचे प. महा. संपर्क प्रमुख संजय गुलाबराव जोशी पिं.-चिं. शहराध्यक्ष गणेश मारूती जोशी, पुणे शहराध्यक्ष शेरू परदेशी, पुणे शहर महिला अध्यक्षा शुभांगी (सीमा) महेश हेंद्रे, पिं.-चिं. शहर उपाध्यक्ष सुजीत हंडे,
पुणे शहर उपाध्यक्ष विनोद परदेशी, उ. महा. संपर्क प्रमुख
संदीप निकम, गोगा सुपेकर, कुणाल हेंद्रे, अक्षय पवार, अमित साळुंखे, स्वप्निल जोशी, शैलेश हेंद्रे, निखिल जोशी, संदेश जोशी इ. उपस्थित होते.

शेतकऱ्यांसाठी खूशखबर, दौंडमध्ये मुगाचे दिवसाआड लिलाव