पुणे : आर्थिक कारणावरुन बांधकाम व्यावसायिकांमध्ये वाद होऊन एकाने भागीदाराच्या कर्मचाऱ्यांना मारहाण करीत कार्यालयाची जाळपोळ केली. तसेच स्वत: पेटवून घेत आत्महत्येचा प्रयत्न केला. ही घटना गुरुवारी (ता.२४) दुपारी अडीच वाजता धनकवडी येथे घडली.
भरत मीठालाल नागोरी (वय 61, रा. गंगा ईशान्य सोसायटी, शंकर महाराज मठाजवळ, धनकवडी) यांनी सहकारनगर पोलिस ठाण्यात फिर्याद दाखल केली आहे. त्यावरुन हसमुख बाबूलाल जैन (रा. ईशा पैलेस, गुलटेकडी) याच्याविरुद्ध गुन्हा दाखल करण्यात आला आहे.
वरिष्ठ पोलिस निरीक्षक अरूण वायकर यांनी दिलेल्या माहितीनुसार, फिर्यादी, जैन आणि अन्य भागीदारानी 2006 मध्ये ईशा ग्रुप नावाची भागीदारी कंपनी सुरु केली होती. त्यामध्ये फिर्यादी, जैन आणि स्वर्णसिंग सोहल हे 2014 पासून संचालक होते. 2014 मध्ये जैन याने ईशा ग्रुप कंपनीमधील ईशा स्ट्रक्चर्स कंपनीतील राजीनामा दिला. त्यानंतर भागीदाराचा वाद न्यायालयात गेला.
फिर्यादीचे आणि जैनचे पूर्वीचे आर्थिक व्यवहार आणि अन्य कारणासाठी वाद सुरु होते. दरम्यान, गुरुवारी दुपारी जैन फिर्यादीच्या शंकर महाराज मठाजवळच्या गंगा नक्षत्र प्रकल्पमधील कार्यालयात गेला. त्यानंतर कार्यालयातील कर्मचाऱ्यांना दमदाटी करुन बाहेर काढले. कार्यालय आतून बंद करुन कार्यालयाची तोडफोड केली. तसेच तेथेच आग लावून आत्महत्येचा प्रयत्न केला.
- पुण्याच्या बातम्या वाचण्यासाठी येथे ► क्लिक करा
(Edited by: Ashish N. Kadam)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.