बुरशीच्या उपचारात प्रत्येकवेळी डोळ्याचा बळी नको : डॉ. रमेश मुर्ती

योग्य शस्त्रक्रिया आणि औषधांमुळे डोळा वाचतो; नेत्ररोग तज्ज्ञांचे आवाहन.
fungus
fungusSakal

पुणे ः म्युकरमायकोसिसमध्ये चोहऱ्यावरील बुरशी शस्त्रक्रियेद्वारे बाहेर काढावी लागते. अशा वेळी डोळा, जबडा, दात असे अवयवही काढण्याची वेळ येवू शकते. काही वेळा तर रुग्णाचा जीव वाचविण्यासाठी घाईगडबडीत किंवा निष्णात डॉक्टरांच्या अभावी कारण नसताना डोळा काढला जातो. पण, योग्य शस्त्रक्रिया केल्यास हा डोळा वाचवता येतो. प्रत्येकवेळी डोळ्याचा बळी नको, असे मत नेत्ररोगतज्ज्ञ डॉ. रमेश मुर्ती यांनी व्यक्त केले.

fungus
पुणे : 115 केंद्रावर लसीकरण, येेथे मिळणार कोव्हिशील्ड, कोव्हॅक्सीन

देशभरात आता म्युकरमायकोसिसचे रूग्ण वाढत असून, उशिरा निदान झाल्यास शस्त्रक्रियेची गरज भासते. मुळात अतिशय दुर्मिळातील दुर्मिळ असलेल्या या आजाराबद्दल डॉक्टरांसह प्रशासनालाही कमी माहिती होती. या बद्दल जनजागृती झाली असून, रोज नवनवीन माहिती समोर येत आहे. डॉ. मुर्ती हे पुण्यातील रुग्णालयांमध्ये म्युकरमायकोसिसच्या डोळ्यासंबंधीच्या रुग्णांच्या शस्त्रक्रिया करत आहे. त्यांना आजवर आलेल्या अनुभवाच्या आधारे आणि डॉक्टरांशी झालेल्या चर्चेतून त्यांनी काही तथ्ये समोर मांडली आहेत.

fungus
पुणे-नाशिक दीड तासांत! हाय स्पीड रेल्वेसाठी जमीन अधिग्रहण

- डोळ्यासंबंधीचे समज गैरसमज ः

गैरसमज ः तथ्य

१) म्युकरमायकोसिसच्या प्रत्येक रुग्णाचे डोळे काढावे लागतात ः बहुतेक रुग्णांमध्ये डोळे काढण्याची गरज नाही. तसेच प्रत्येक वेळी डोळे काढून फायदा होईलच असेही नाही.

२) बुरशी डोळ्यापर्यंत पोचल्यावर दृष्टी जाते ः बहुतेक वेळा डोळ्यापर्यंत जाणाऱ्या नसा बंद झाल्यामुळे दृष्टी जाते. याचा अर्थ डोळ्यात बुरशी पोचली असा होत नाही. खर तर बहुतेकांमध्ये बुरशी डोळ्यात पोहचत नाही.

३) डोळ्यापर्यंत बुरशी पोहचल्यास शस्त्रक्रिया आवश्यकच ः शस्त्रक्रियेव्यतिरीक्त आपल्याकडे असे इंजेक्शन उपलब्ध आहे. ज्याद्वारे बुरशीची वाढ रोखता येते आणि डोळा वाचविता येतो.

४) डोळ्याला सूज आली म्हणजे रोग हाताबाहेर गेला ः बहुतेक वेळा डोळ्या शेजारच्या भागात बुरशी वाढलेली असते. याचा अर्थ ती डोळ्यात पोचली असा नसतो.

५) डोळ्याशी निगडित समस्या औषधोपचाराने सुटत नाही ः डोळ्याजवळ आलेली सूज औषधांनी आणि इंजेक्शनने कमी होऊ शकते. ॲन्टीफंगल औषधांच्या वापराने बुरशीची वाढ थांबवता येते.

६) ‘सायनस’ची समस्या सोडवली तरीही डोळ्याची समस्या सुटत नाही ः सायनसमधील बुरशी व्यवस्थित काढल्यास चेहऱ्यावरील बुहरशीचे प्रमाण कमी करण्यास मदत होते. त्याचा थेट फायदा डोळ्यांना होतो.

डॉक्टरांनी पुढे येणे आवश्यक ः बुरशीच्या आजारासंबंधी रोज नवे तथ्ये समोर येत आहे. अशा वेळी डॉक्टरांच्या समुदायाने स्वतःला लवकर अद्ययावत करणे गरजेचे आहे. त्याचबरोबर नवीन संशोधन आणि तथ्यांना समोर मांडणे गरजेचे आहे. यातून उपचार पद्धती अधिक शास्त्रीय बनेल. त्याचबरोबर अनेकांचे प्राण वाचतील, असे मत तज्ज्ञांच्या वतीने व्यक्त करण्यात आले आहे.

fungus
पुणे जिल्ह्यातील 442 ग्रामपंचायती कोरोनामुक्त

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com