पुण्यातील गुंडगिरी संपविणार

मंचर (पुणे) : “पुणे जिल्ह्यात कायदा व सुव्यवस्था राखण्यासाठी गुंडगिरी व वाळूमाफियांची दहशत कायमस्वरूपी संपुष्टात आणण्यासाठी धडक कारवाईचे सत्र राबविले जाईल. सर्वसामान्य जनतेला अपेक्षित असलेली सेवा पोलिस खात्याकडून दिली जाईल,” अशी ग्वाही पुणे ग्रामीण पोलिस अधीक्षक डॉ. अभिनव देशमुख यांनी दिली. 

- स्पर्धा परीक्षेचा पेच सुटणार का? विद्यार्थ्यांसमोर एकच प्रश्‍न

मंचर (ता. आंबेगाव) येथे कोविड बैठकीनिमित्त देशमुख आले होते. त्यावेळी त्यांनी पत्रकारांशी संवाद साधला. ते म्हणाले की, पोलिस अधिकारी व अनेक पोलिस कर्तव्य बजावत असताना कोरोनाबाधित झाले आहेत. त्यांच्यावर पुणे येथे कोविड सेंटरमध्ये उपचार सुरू आहेत. सर्वच पोलिस अधिकारी व पोलिसांची प्रतिकारशक्ती वाढवण्यासाठी त्यांना आयुर्वेदिक औषधाबरोबरच प्रेरणा प्रोत्साहन मिळेल, यासाठी प्रयत्न केले जातील.

- पुण्यात IAS अधिकारी सुधाकर शिंदे यांचे वयाच्या 34 व्या वर्षी निधन

पोलिस ठाण्याच्या परिसरात स्वच्छता व पोलिसांच्या सुरक्षेसाठी आवश्यक त्या उपाययोजना हाती घेतल्या जातील. हॉटेल, परमीट रूम सुरु झाल्यानंतर मास्क, सॅनिटायझर वापर, सोशल डिस्टन्स, इन्फ्रा थर्मामीटर गनने तापमान मोजणे याबाबत शासकीय नियमांचे उल्लंघन झाल्यास संबंधितांच्या विरोधात कायदेशीर कारवाई केली जाईल.