परीक्षा लांबणीवरच पडत असल्याने विद्यार्थी, प्राध्यापकांमध्ये अस्वस्थता वाढली | Sakal
sakal

बोलून बातमी शोधा

Pune University

सावित्रीबाई फुले पुणे विद्यापीठाची प्रथम सत्र परीक्षा लांबणीवरच पडत असल्याने विद्यार्थी, प्राध्यापकांमध्ये अस्वस्थता वाढत चालली आहे. विद्यापीठाकडून निर्णय होत नसल्याने, एजन्सी निवडीबाबत गोंधळ निर्माण करून शंकेला वाव निर्माण केला जात आहे.

परीक्षा लांबणीवरच पडत असल्याने विद्यार्थी, प्राध्यापकांमध्ये अस्वस्थता वाढली

पुणे - सावित्रीबाई फुले पुणे विद्यापीठाची प्रथम सत्र परीक्षा लांबणीवरच पडत असल्याने विद्यार्थी, प्राध्यापकांमध्ये अस्वस्थता वाढत चालली आहे. विद्यापीठाकडून निर्णय होत नसल्याने, एजन्सी निवडीबाबत गोंधळ निर्माण करून शंकेला वाव निर्माण केला जात आहे. परीक्षा मंडळ, व्यवस्थापन परिषदेने वेळेवर निर्णय घेतले असते तर ही नामुष्की ओढवली नसती अशा शब्दात प्राध्यापक संघटनांकडून विद्यापीठाबद्दल नाराजी व्यक्त केली जात आहे.

ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

पुणे विद्यापीठाची प्रथम सत्र परीक्षा १५ मार्चपासून टप्प्याटप्प्‍याने सुरू होणार होती, पण आता आॅनलाइन एजन्सी निवडीवरून विद्यापीठातील अधिकारी, व्यवस्थापन परिषद सदस्य यांच्यातील मतभिन्नतेमुळे प्रक्रिया ठप्प आहे. यामुळे प्राध्यापक, प्राचार्य, विद्यार्थी संघटनांनी नाराजी व्यक्त केली आहे.

पुजा चव्हाण मृत्यू प्रकरणी : सत्य लपवण्यासाठी भाजपच्या नगरसेवकावर दबाव : जगदीश मुळीक

‘परीक्षा मंडळाने परीक्षा घेण्याचा निर्णय केल्यानंतर शेवटच्या क्षणी एजन्सीचा मुद्दा उपस्थित केला गेला. परीक्षा मंडळाला त्यांचे अधिकार वापरू दिले पाहिजेत. या सर्व गोंधळामुळे कोणाला तरी समोर ठेऊन त्यांच्‍या हिताचा निर्णय घेण्याचा प्रयत्न सुरू आहे का? अशी शंका निर्माण होत आहे. यामध्ये परीक्षेला उशीर होत असल्याने विद्यार्थी, प्राध्यापक अस्वस्थ आहेत. कुलगुरू, प्र-कुलगुरू यांनी याबाबत स्पष्टता आणली पाहिजे.’
- कान्हू गिरमकर, अध्यक्ष, स्पुक्टो

दहावी-बारावीच्या परीक्षेसाठी सल्लागार समिती ठरविणार उपाययोजना

‘प्रथम सत्र परीक्षा एप्रिलमध्ये होणार असल्याचे सांगितले जात आहे. एवढ्या उशिरा परीक्षा घेणे योग्य नाही त्यामुळे प्रथम व द्वितीय सत्राची परीक्षा एकत्र झाली पाहिजे असे बहुतांश प्राचार्यांचे म्हणणे आहे.एजन्सीचा विषय गोपनीय असल्याने त्याबाबत माहिती नाही. व्यवस्थापन परिषदेत परीक्षेबाबत चर्चा करू’’
-सुधाकर जाधवर, सचिव, प्राचार्य महासंघ

‘विद्यापीठाने प्रथम सत्र परीक्षेची जानेवारी महिन्यात तयारी सुरू केली असती तर ही परिस्थिती निर्माण झाली नसती. परीक्षांना उशीर होणार असल्याने दोन्ही सत्राची एकत्र परीक्षा घ्या असा मतप्रवाह समोर येत आहे. याबाबत स्पष्टता आली पाहिजे’’
-सोपान राठोड, अध्यक्ष, सावित्रीबाई फुले पुणे विद्यापीठ शिक्षक संघ

कोरोना काळातील व्हिडिओ पुन्हा व्हायरल; पोलिसांची प्रतिमा मलीन करण्याचा प्रयत्न

‘विद्यापीठाने एका आठवड्यात परीक्षेचे नियोजन करावे अन्यथा याविरोधात आंदोलन केले जाईल. परीक्षेचा असा
गोंधळ निर्माण करणे विद्यापीठाला शोभणारे नाही’’
- कल्पेश यादव, शहराध्यक्ष, मनविसे

‘विद्यार्थ्यांचे शैक्षणिक वर्ष वाया जावू नये, प्रत्येत सत्राची स्वतंत्र परीक्षा घेण्याऐवजी प्रथम व द्वितीय सत्राची परीक्षा एकत्र घ्यावी.
- सुजितकुमार थिटे, अध्यक्ष, पदवीधर संघटना

कुलगुरूंचे मनोगत प्रसारित
कुलगुरू डॉ. नितीन करमळकर यांचा ३ मार्च रोजी युट्यूब चॅनलवरून ‘मनोगत कुलगुरूंचे याचा १२वा भाग प्रसारित करण्यात आला. या १२ मिनिटांच्या व्हिडीओमध्ये विद्यापीठाचा वर्धापन दिन, यूजीसीतर्फे प्राध्यापकांना प्रशिक्षण, इनोफेस्ट २०२१, युटिक्स आणि उत्तराखंड येथे आलेला महापूर याची माहिती कुलगुरूंनी दिली आहे.

Edited By - Prashant Patil

Web Title: Exams Were Being Postponed There Was Uneasiness Among Student Professors

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top