...म्हणून नारायणगावातील शेतकरी रस्ता रुंदीकरणास करताहेत विरोध

नारायणगाव (पुणे) : अष्टविनायक जोड प्रकल्पाअंतर्गत येथील कोल्हेमळा हद्दीतून जाणाऱ्या रस्ता रुंदीकरणाच्या कामास येथील शेतकऱ्यांनी मंगळवारी विरोध केला. भूसंपादन करून योग्य नुकसान भरपाई मिळाल्याशिवाय रस्ता रुंदीकरणाचे काम होऊ देणार नाही, असा इशारा शेतकऱ्यांनी दिला आहे. 

मोठी बातमी : 'या' पाच प्रभागांतील निम्म्या पुणेकरांना कोरोनाची लागण; सर्व्हेतून पुढे आली माहिती!

या बाबत बाधित शेतकरी राजेंद्र कोल्हे, किसनराव गायकवाड, निवृत्ती गायकवाड, वसंत औटी, महेश मारुती कोल्हे, हर्षद कोल्हे म्हणाले की, कुकडी प्रकल्पाअंतर्गत माणिकडोह धरणाचे बांधकाम 1977 मध्ये सुरू झाले. त्या वेळी पाटबंधारे विभागाने धरणाचे साहित्य वाहतुकीसाठी सुमारे एक किलोमीटर लांबीचा व आठ फूट रुंदीचा हा रस्ता शेतकऱ्यांकडून भाडे तत्त्वावर घेतला.

- गणेशोत्सवात 'या' चार दिवशी ध्वनीवर्धक रात्री बारापर्यंत सुरू राहणार; पुणे पोलिसांनी केले जाहीर!​

मात्र शेतकऱ्यांना अद्याप या रस्त्याचा एक रुपया सुद्धा मोबदला दिला नाही. माणिकडोह धरणाचे काम झाल्यानंतर पाटबंधारे विभागाने हा रस्ता परस्पर सार्वजनिक बांधकाम विभागाकडे हस्तांतरित केला. सार्वजनिक बांधकाम विभागाने दुरुस्ती करत असताना या रस्त्याची रुंदी वाढविली आहे. अष्टविनायक जोड प्रकल्पांतर्गत या रस्त्याच्या रुंदीकरणाचे काम सार्वजनिक बांधकाम विभागाने सुरू केले आहे. या रस्त्याच्या कडेला शेतकऱ्यांची घरे व विहिरी आहेत.

- Big Breaking : पुण्यात कोरोना रुग्णांच्या मृत्यूचा उच्चांक; एकाच दिवसात 'इतक्या' रुग्णांचा मृत्यू      

रस्ता रुंद केल्यास काही शेतकरी भूमिहीन होणार आहेत. मागील 43 वर्षांपासून एक रुपयांची सुद्धा भरपाई अथवा भाडे न देता आमच्या मालकी हक्काच्या जमिनीतून रस्ता तयार केला आहे. विकास कामाला आम्ही विरोध करणार नाही. मात्र, रस्त्यासाठी वापर केलेल्या आमच्या जमिनीची योग्य नुकसान भरपाई मिळाल्या शिवाय आम्ही रस्ता रुंदीकरण होऊ देणार नाही. 

भूसंपादनाचे काम वर्ग 
जुन्नर येथील सार्वजनिक बांधकाम विभागाचे उपअभियंता महेंद्र पाटील यांची नुकतीच बदली झाल्यामुळे या बाबत अधिक माहिती मिळाली नाही. मात्र, या रस्त्याला राज्य महामार्ग दर्जा मिळाला असून भूसंपादनासाठी अष्टविनायक जोड प्रकल्पाचे कार्यकारी अभियंता यांच्याकडे वर्ग करण्यात आला आहे, अशी माहिती सार्वजनिक बांधकाम विभागाच्या कार्यालयातून देण्यात आली.