पुणे : १९ मे नंतर प्रथमच ओलांडला एक हजार रुग्णांचा टप्पा | Sakal
sakal

बोलून बातमी शोधा

corona update
पुणे : १९ मे नंतर प्रथमच ओलांडला एक हजार रुग्णांचा टप्पा

पुणे : १९ मे नंतर प्रथमच ओलांडला एक हजार रुग्णांचा टप्पा

पुणे : अवघ्या सात दिवसात दिवसांपूर्वी पुण्यात ८० रुग्ण एका दिवसात सापडले होते. मात्र, त्यानंतर अचानक रूग्णसंख्या वाढण्यास सुरवात झाली असून, आज शहरात १ हजार १०४ जणांना कोरोनाची लागण झाली आहे. १९ मे २०२१ नंतर प्रथमच शहरात एका दिवसात एक हजार पेक्षा जास्त रुग्ण आढळले आहेत.(Pune Corona Update)

हेही वाचा: पोलिस आयुक्ताच्या टेलिग्रामवर पाठविल्या विद्यार्थ्यांच्या प्रवेशपत्रिका

कोरोनाच्या दुसऱ्या लाटेमध्ये शहरात ८ एप्रिल रोजी एका दिवसात तब्बल ७ हजार १० जणांना कोरोनाची लागण झाली होती, त्यानंतर टप्प्याटप्प्याने शहरातील कोरोना रुग्णांची संख्या कमी होऊ लागली. ६ डिसेंबर २०२१ रोजी शहरात केवळ ३८ रुग्णांची नोंद झाली होती. मात्र, त्यानंतर एक महिन्याने हीच संख्या १हजार १०४ पर्यंत वर गेली आहे.(Pune News)

हेही वाचा: पुणे : महापालिका सेवकांना 'घरभाड्यात' दिलासा

कोरोनाच्या ओमिक्रॅन (Omicron) विषाणूचा धोका वाढत चालल्याने नागरिकांना काळजी घेण्याचे आवाहन शासनातर्फे केले जात होते. पण तरिही गर्दीवर नियंत्रण राहत नसल्याने गेल्या आठवड्यात लग्न समारंभ, सांस्कृतिक, राजकीय, सामाजिक कार्यक्रमांवर उपस्थितीचे बंधन आणले. त्यानंतर आता शहरातील इयत्ता १ली ते ८वी पर्यंतच्या शाळा बंद करण्याचा निर्णय घेण्यात आला आहे.

हेही वाचा: प्रश्‍नपत्रिका कशी मिळवली याबाबत आरोपींकडून समाधान उत्तर नाही

गेल्या आठवड्यात २७ डिसेंबर रोजी शहरातील ॲक्टिव्ह रुग्णांची संख्या ९९० इतकी होती, पण आता रुग्णसंख्या वाढत चालल्याने आज ४ जानेवारी रोजी २ हजार ८३८ सक्रिय रुग्णांची नोंद झाली आहे. कोरोनाची लागण होण्याचा दर हा तब्बल १८ टक्क्यांपर्यंत गेला आहे. सध्या असलेले नियम आणखी कडक केले जाणार आहेत.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top