पुणे - दिवसेंदिवस वाढणारी महागाई, दिवसागणिक वाढणारे पेट्रोल-डिझेलचे दर त्यातच घरगुती सिलिंडरचे दर वाढल्याने सर्वसामान्यांचे बजेट कोलमडले आहे. त्यातच साधारणत: ३० दिवस जाणारा सिलिंडर आता २५ दिवस जात असल्याच्या तक्रारीही वाढल्या आहेत. त्यामुळे नागरिक सिलिंडरच्या वजनाबाबत शंका उपस्थित करत आहेत.
घरगुती सिलिंडरचा भाव वाढल्याने नागरिकांमध्ये नाराजी आहेच पण केवळ किमतीचा भर्दंड सहन करण्याबरोबरच आता मिळणाऱ्या गॅसची चोरी होत असल्याचे चित्रही दिसून येत आहे. याबाबत वेळोवेळी संबंधित गॅस वितरकांना सांगूनही त्याची दखल घेतली जात नसल्याचे मंगला दिवटे या गृहिणीचे म्हणणे आहे. तर सिलिंडरची टाकी लिकेज असेल किंवा तुमचा गॅस सिलिंडरचा वापर वाढला असेल अशी मोघम उत्तरे दिली जातात.
महिन्याला ९२० रुपये सिलिंडरचा खर्च कसाबसा परवडतो पण आता त्यातही पाच दिवसांआधीच गॅस बदलावा लागत असल्याने आणखी तोटा होत असल्याचेही दिवटे यांनी व्यक्त केले. ही समस्या एकट्या दिवटे यांची नसून शहरातील विविध भागांमध्ये हा प्रश्न असल्याचे पाटील इस्टेट, मंगळवार पेठ, रामटेकडी आदी भागांतील नागरिकांनी व्यक्त केले. त्यामुळे याची चौकशी होणे गरजेचे असल्याचे मत परिसरातील गृहिणींनी व्यक्त केले.
ग्राहकांच्या मागण्या...
अनुदान सुरू करावे.
सिलिंडर वजन करून देण्याची सक्ती करावी.
गळतीची तपासणी करून वितरण करावे.
ग्राहकांच्या तक्रारी येतात, त्यानुसार निरसन केले जाते. डिलिव्हरी बॉयसोबत वजनकाटा असतो. त्याने सिलिंडरचे वजन करूनच वितरित अपेक्षित आहे.
- गॅस वितरक कंपनीचे अधिकारी
अनेक व्यक्तीच्या तक्रारी आहेत. चार महिन्यांत सिलिंडर २० दिवसांतच संपला. त्यानुसार तक्रार संबंधित गॅस वितरण कंपनीला केली आहे.
- विलास कांबळे, मंगळवार पेठ
सिलिंडर दोनदा पाच दिवस अधीच संपला. त्यामुळे सिलिंडरच्या वजनात घट होत असल्याची शंका आहे.
- मालन शेवंते, गृहिणी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
