The protesters raised concerns over alleged irregularities in the education system and expressed solidarity with similar demonstrations held elsewhere.
Sakal
पुणे : आंदोलनात सहभागी होऊ नये म्हणून मिळालेल्या कथित धमक्या, दिवसभर कोसळणारा पाऊस आणि शेकडो पोलिसांचा कडेकोट बंदोबस्त... या सर्व आव्हानांना अक्षरशः धुडकावून लावत हजारो विद्यार्थी, तरुण-तरुणी कॉक्रोज जनता पार्टी (सीजेपी)च्या नेतृत्वाखाली शुक्रवारी पुण्याच्या रस्त्यावर उतरले. केंद्रीय शिक्षण मंत्री धमेंद्र प्रधानांच्या राजीनाम्याची मागणी करतानाच "आम्ही काठ्या-लाठ्या खाल्ल्या, आम्ही हिशेब मागणार' या खास "जेन-झी'च्या आक्रमक भाषेत या मोर्चाने सत्ताधाऱ्यांना जाब विचारला. सर्जनशील घोषणा व फलकांमधून आपल्यातील संतापाला वाट करून देत नवी दिल्ली, मुंबई पाठोपाठ पुण्यातही तरुणाईने या विराट मोर्चाद्वारे शिक्षण व्यवस्थेतील गैरप्रकारांविरुद्ध "एल्गार' पुकारला !
