नववी ते बारावीच्या विद्यार्थ्यांसाठी आनंदाची बातमी; काय आहे वाचा

पुणे - कौन्सिल फॉर द इंडियन स्कूल सर्टिफिकेट एक्‍झामिनेशनने (सीआयएससीई) शैक्षणिक वर्ष २०२०-२१ यासाठी नववी ते बारावीचा अभ्यासक्रम कमी करण्याचा निर्णय घेतला आहे. शैक्षणिक वर्षात अध्यापनासाठी कमी वेळ मिळणार असल्याने हा निर्णय घेण्यात आला आहे. त्यामुळे विद्यार्थ्यांना दिलासा मिळाला आहे. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

‘सीआयएससीई’च्या सचिवांनी प्रसिद्धीपत्रकाद्वारे ही माहिती दिली आहे. कोरोना विषाणू संसर्गामुळे सीआयएससीईशी संलग्न शाळांनी ऑनलाइन पद्धतीने अध्ययन-अध्यापनाची प्रक्रिया सुरू केली आहे. मात्र, या शैक्षणिक वर्षात शैक्षणिक कामकाजाचा कालावधी कमी होणार आहे. त्यामुळे ‘सीआयएससीई’ने विषय तज्ज्ञांची मदत घेऊन, नववी ते बारावीच्या सर्व विषयांचा अभ्यासक्रम कमी केला आहे. अभ्यासक्रम कमी करताना विद्यार्थ्यांना संबंधित विषयातील मुलभूत संकल्पना कायम राहतील, याची काळजी घेण्यात आली आहे. त्यामुळे या बदलानुसार अध्यापन करण्यात यावे. अशा पद्धतीने अभ्यासक्रम कमी करण्यात आला आहे. 

कोरोनाचा आकडा वाढतोय; पुणे जिल्ह्यातील 'हा' तालुका डबल सेंच्युरीच्या उंबरठ्यावर!

तसेच देशातील कोरोनाच्या संसर्गाची स्थिती पाहून, गरज वाटल्यास अभ्यासक्रम आणखी कमी केला जाऊ शकतो, असेही ‘सीआयएससीई’ने स्पष्ट केले आहे. या वर्षासाठी कमी करण्यात आलेला अभ्यासक्रम सीआयएससीईच्या संकेतस्थळावर उपलब्ध करून देण्यात आला आहे. हा निर्णय आणि कमी केलेला अभ्यासक्रम याबाबत अधिक माहितीसाठी ’www.cisce.org’ या संकेतस्थळाला भेट द्यावी, असे आवाहन  करण्यात आले आहे.