चूक झाली! सरकारी रुग्णालयात मोफतच उपचार, आरोग्य विभागाला खडबडून जाग; म्हणे अनावधानाने दरपत्रक जोडले

पुणे, ता. ९ : आरोग्य विभागांतर्गत असलेल्या सर्वच रुग्णालयांमध्ये उपचार सशुल्क असल्याचे काही दिवसांपूर्वी आरोग्य विभागाने नागरी सनदेद्वारे जाहीर केले होते. त्यावरून माध्यमांमध्ये बातम्या प्रसिद्ध झाल्यानंतर आरोग्य विभागाला जाग आली असून सर्व उपचार मोफत असल्याचा खुलासा आरोग्य विभागाचे उपसचिव कैलास साळुंके यांनी सोमवारी पत्राद्वारे केला.