Stay Safe! Severe Heatwave Conditions as Akola Hits 46.9°C
sakal
पुणे : राज्यात उन्हाचा तडाखा अधिक तीव्र झाला असून, महाराष्ट्रातील तब्बल २२ शहरांमध्ये तापमानाचा पारा चाळिशीपार गेला आहे. विदर्भ, मराठवाडा आणि मध्य महाराष्ट्रातील अनेक भाग अक्षरशः होरपळून निघाले आहेत. अकोला येथे रविवारी राज्यातील सर्वाधिक ४६.९ अंश सेल्सिअस तापमानाची नोंद झाली. अमरावती ४६.८ आणि वर्धा येथे ४६.४ अंश सेल्सिअस तापमान नोंदविले गेले. सोमवारी विदर्भातील काही जिल्ह्यांमध्ये उष्णतेची लाट येण्याची शक्यता भारतीय हवामानशास्त्र विभागाने वर्तविली आहे.