बोपोडीतील व्यापाऱ्यांना 'त्यांनी' दिला मदतीचा हात

खडकी बाजार (पुणे) :  बोपोडी परिसरात दिवसेंदिवस कोरोना पॉझिटिव्ह रुग्ण वाढत चालले आहेत. या पार्श्वभूमीवर बोपोडी मधील सर्व व्यापारी वर्गाला सॅनिटायझर, मास्क, अर्सेनिक अल्बम 30 व ग्लोव्हज्चे वाटप करण्यात आले. प्रत्येक जण आपल्या परीने काही ना काही योगदान देत आहे. पण आपली स्वतःची काळजी आपणच घेतली पाहिजे हे गरजेचे आहे. बोपोडीकर आपली काळजी घ्या असे सांगत बोपोडीतील सामाजिक कार्यकर्ते अमित मुरकुटे यांनी बोपोडी गावठाण व बोपोडी परिसरात स्वतः जाऊन सुरक्षेची साधने व्यापाऱ्यांना दिली.

- खासदार डॉ. अमोल कोल्हे झाले होम क्वारंटाईन, कारण...​

9 मार्चला पुण्यात पहिला कोरोना पॉझिटिव्ह रुग्ण सापडला होता. त्यावेळी केंद्र सरकारच्या वतीने देशात कडक लॉकडाउनचे आदेश देण्यात आले. देशासह महाराष्ट्रात पुणे शहर पिंपरी चिंचवड येथे रुग्ण सापडण्यास सुरवात झाली होती. संपूर्ण पुणे शहरात कोरोनाने हाहाकार केला असताना त्यावेळी बोपोडी औंध बाणेर हे फक्त ग्रीन झोन मध्ये होते. खूप चांगल्या प्रकारे बोपोडीकरांनी काळजी घेतली होती.

- तरुणांनो, 'या' १० क्षेत्रांत लाॅकडाऊनमध्येही मिळतेय नोकरीची संधी!​

मात्र, चौथ्या लॉकडाउननंतर सर्वात पहिला कोरोना पॉझिटिव्ह महिला रुग्ण बोपोडीत सापडली तेव्हापासून आतापर्यंत बोपोडीत मोठ्या संख्येने रुग्ण सापडत आहेत. एके काळी ग्रीन झोन असलेली बोपोडीचे रूपांतर आता मायक्रो कंटेन्मेंट झोन मध्ये झाले आहे. पोलिस, महापालिका प्रशासन पुरेपूर काळजी घेत आहे. मात्र, आता नागरिकांनी ही काळजी घेणे गरजेचे झाले आहे.