राष्ट्रवादी काँग्रेसच्या या लोकप्रिय आमदारांची कोरोना चाचणी...

नारायणगाव (पुणे) : कोरोनाच्या पार्श्वभूमीवर जुन्नर तालुक्यात उपाययोजना करताना कोविड पॉझिटिव्ह व्यक्तीशी संपर्क आल्याने आमदार अतुल बेनके यांना काही प्रमाणात लक्षणे आढळून आली आहेत. सुदैवाने त्यांचा कोरोना तपासणी अहवाल निगेटिव्ह आला आहे. तरीही ११ जुलै रोजी पुन्हा कोरोना तपासणी करण्यात येणार आहे. दरम्यानच्या काळात डॉक्टरांच्या सल्ल्यानुसार खबरदारी म्हणून ते सात दिवस होम क्वारंटाइन राहणार आहेत.

सोरतापवाडीत तलाठी लाचलुचपत प्रतिबंधक विभागाच्या जाळ्यात

कोरोनाच्या पार्श्वभूमीवर उपाययोजना करण्यासाठी आमदार बेनके हे मार्च महिन्यापासून सातत्याने नागरिक व शासकीय अधिकारी यांच्या संपर्कात आहेत. किराणा, धान्य वाटप, चक्री वादळामुळे झालेल्या नुकसानीची पाहणी, कोरोना रुग्णांसाठीच्या उपाययोजना, प्रशासकीय बैठका या मुळे आमदार बेनके नकळत कोरोना पॉझिटिव्ह व्यक्तीच्या संपर्कात आले आहेत. विषाणूजन्य आजारांची लक्षणे दिसून आल्याने ६ जुलै रोजी आमदार बेनके यांची कोरोना तपासणी करण्यात आली. 

कोरोनाच्या संकटात मुख्यमंत्र्यांचे काम समाधानकारक, शरद पवार यांनी थोपटली पाठ

त्यांच्या कोरोना तपासणीचा पहिला अहवाल आज प्राप्त झाला. सुदैवाने अहवाल निगेटिव्ह आला आहे. सात दिवसांनी पुन्हा कोरोना तपासणी करण्यात येणार आहे. दरम्यानच्या काळात खबरदारी म्हणून होम क्वारंटाइन राहण्याचा सल्ला डॉक्टरांनी आमदार बेनके यांना दिला आहे. त्यामुळे ते सात दिवस होम क्वारंटाइन राहणार आहेत.

पुण्याच्या इतर बातम्या वाचण्यासाठी येथे क्लिक करा

विलगीकरण काळात मी कुणालाही प्रत्यक्ष भेटू शकणार नाही. मात्र, अप्रत्यक्षपणे सोशल मीडिया, मोबाईलच्या माध्यमातून प्रशासकीय अधिकारी व नागरिक यांच्या अडचणी सोडवण्यासाठी मी कार्यरत असणार आहे. कुठलेही काम थांबणार नाही, याची मी काळजी घेत आहे. तालुक्यातील सर्व घडामोडींवर माझे लक्ष आहे. तालुक्यात कोरोना संसर्ग वाढत असल्याने सर्वांनी प्रशासनाच्या सूचनांचे काटेकोर पालन करावे. अनावश्यक बाहेर फिरू नये, स्वच्छता पाळा व कुटुंबियांची काळजी घ्या.
 - अतुल बेनके, आमदार