Junnar Voter List: मतदार मॅपिंगला सहकार्य न केल्यास नाव मतदार यादीतून वगळणार; तहसीलदार बाळासाहेब सिरसट यांचा इशारा

जुन्नर : जुन्नर तालुक्यातील मतदारांनी सध्या सुरू असलेल्या मॅपिंग प्रक्रियेदरम्यान मतदान केंद्रस्तरीय अधिकारी( BLO) यांना सहकार्य करावे असे आवाहन तहसीलदार बाळासाहेब सिरसट यांनी केले. तर या प्रक्रियेदरम्यान बीएलओ यांना जे मतदार आवश्यक कागदपत्रे देऊन सहकार्य करणार नाहीत त्यांचे मॅपिंग होणार नाही. तथापि मॅपिंग न झाल्यामुळे अशा मतदारांची नावे मतदार यादीतून वगळण्यात येतील. मतदार यादीतून नावे वगळली गेल्यास त्यास मतदार स्वतः जबाबदार राहतील असा इशारा तहसीलदार सिरसट यांनी दिला आहे.