निधी कसा आणायचा, हे वळसे पाटलांकडून शिका

अवसरी खुर्द येथील कार्यक्रमात पवार यांच्याकडून गृहमंत्र्यांच्या कार्यशैलीचे कौतुक
dipip walse patil
dipip walse patilsakal
Updated on

मंचर: “उच्च व तंत्र शिक्षणमंत्री असताना दिलीप वळसे पाटील यांनी उच्च शिक्षण क्षेत्रात क्रांती केली. अभियांत्रिकी व तंत्र निकेतन महाविद्यालयांची परवानगी सुलभ केली. त्यांच्या पुढाकारातून अवसरी खुर्द गावात शासकीय तंत्र निकेतन व अभियांत्रिकी महाविद्यालय या दोन देखण्या इमारती उभ्या आहेत. सरकारमध्ये असो किंवा नसो मतदार संघात योजना व निधी कशा पद्धतीने आणायचा, हे वळसे पाटील यांच्याकडून शिकून घेण्यासारखे आहे,” असे ज्येष्ठ नेते शरद पवार यांनी सांगितले.

dipip walse patil
सुखसागर नगर मधील महापालिकेचा दवाखाना रुग्णांसाठी ठरतोय संजीवनी

अवसरी खुर्द (ता.आंबेगाव) येथील शासकीय अभियांत्रिकी महाविद्यालयातील विस्तारित इमारतीचा उद्घाटन समारंभ व अत्याधुनिक सभागृह भूमीपूजन पवार यांच्या हस्ते झाले. यावेळी गृहमंत्री दिलीप वळसे पाटील, महसूलमंत्री बाळासाहेब थोरात, उच्च व तंत्रशिक्षण मंत्री उदय सामंत, सहकारमंत्री बाळासाहेब पाटील, राज्यमंत्री प्राजक्त तनपुरे, खासदार संजय राऊत, शिवाजीराव आढळराव पाटील, अतुल बेनके, पोपटराव गावडे, देवेंद्र शहा, बाळासाहेब बेंडे, विवेक वळसे पाटील, देवदत्त निकम, विष्णू हिंगे, मानसिंग पाचुंदकर, भगवानराव वाघ, भगवान शिनलकर, अरुणा थोरात, संजय गवारी, संतोष भोर, जगदीश अभंग उपस्थित होते.

पवार म्हणाले, “उदय सामंत यांनी रत्नागिरीला इंजिनिअरिंग कॉलेज करताना वळसे पाटील यांचे मार्गदर्शन घ्यावे. वळसे पाटील यांनी मिळालेल्या पदाचा उपयोग नेहमीच सामान्य जनतेसाठी केला आहे.”

dipip walse patil
गुन्हेगाराचा ४ दिवसांपूर्वीच खून, मृतदेह शनिवारी कालव्यात सापडला

दिलीप वळसे पाटील म्हणाले, येथील महाविद्यालयांना निधी उपलब्ध होण्यासाठी मुख्यमंत्री उद्धव ठाकरे, उपमुख्यमंत्री अजित पवार व सामंत यांनी सहकार्य केले आहे. ३६० विद्यार्थी शिक्षण घेतात. त्यामध्ये शेतकरी व गरीब कुटुंबातील मुलांची संख्या अधिक आहे. सामंत म्हणाले, महाराष्ट्राचा उच्च तंत्रशिक्षण विभाग हा देशातला सर्वोत्तम विभाग म्हणून ओळखला जाईल.

एवढे काम यापूर्वी वळसे पाटील यांनी करून ठेवले आहे. अवसरी येथील अभियांत्रिकी महाविद्यालयाप्रमाणे रत्नागिरी येथील महाविद्यालय व परिसर तयार केला जाईल. त्यासाठी वळसे पाटील यांचे सहकार्य घेऊ. राऊत म्हणाले, “उच्च तंत्र शिक्षणाचा अवसरी पॅटर्न कोकणात राबविला जाईल. अवसरी येथे दिलीप वळसे पाटील यांच्या पुढाकारामुळे ग्रामीण भागात शैक्षणिक नंदनवन फुलले आहे.”

उच्च व तंत्र शिक्षण विभागाचे प्रधान सचिव विकासचंद्र रस्तोगी, आढळराव पाटील यांची मनोगते झाली. सूत्रसंचालन पूजा थिगळे यांनी केले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com