leopard In Chakan : पुण्यातील चाकणमध्ये शिरला बिबट्या! वन विभाग, अग्निशमन दल दाखल

leopard spotted in Chakan : पुण्यातील चाकण परिसरात बिबट्या शिरल्याचा धक्कादायक प्रकार समोर आला आहे. भर लोकवस्तीत बिबट्या दिसल्याने चाकण शहर परिसरात घबराट पसरली आहे.

भर लोकवस्तीत बिबट्या दिसून आल्यानंतर वन विभाग, अग्निशमन दल घटनास्थळी दाखल झाले आहे. एका पडक्या घरात बिबट्या दबा धरून बसला असल्याची माहिती समोर आली आहे.

आज सकाळी अगदी चाकण शहराच्या मध्यवर्ती ठिकाणी हा बिबट्या आढळून आला . त्यानंतर आता वन विभागाच्या रेस्क्यू टीमकडून या बिबट्याला पकडण्यासाठी प्रयत्न केले जात आहेत. येथे बाजार आणि बघ्यांची गर्दी यामुळे रेस्क्यू टीमला अडचणीचा सामना करावा लागत आहे.

तसेच यावेळी कुठलीही दुर्घटना होऊ नये यासाठी पोलिस आणि प्रशासनाकडून उपाय केले जात आहेत. मा६ या बिबट्याला जेरबंद करण्यात अजून किती वेळ लागतो हे पाहाणे महत्वाचे ठरणार आहे.