विनाकारण फिरणाऱ्यांनो सुधरा...

महर्षीनगर : कोरोनाचा प्रसार कमी करण्यासाठी शहरातील सील केलेल्या भागांत नागरिक अजूनही विनाकारण बाहेर पडताना दिसतात. डायस प्लॉट, मीनाताई ठाकरे वसाहत, इंदिरानगर झोपडपट्टी भागातील तरूण एकत्रित जमून गप्पा मारत आहेत. त्यामुळे पोलिसांची भीती देखील यांना राहिली नसल्याचे चित्र या भागांत दिसत आहे. 

कोरोनाचा वाढता प्रादुर्भाव लक्षात घेता शहरातील पूर्व भागातील महर्षीनगर, मुकुंदनगर, डायस प्लॉट, गुलटेकडी आदी भाग सील केले आहेत. मात्र, अजूनही डायस प्लॉट, मीनाताई ठाकरे वसाहत, इंदिरानगर झोपडपट्टी भागातील तरूण विनाकारण बाहेर पडत आहेत.

बारामतीकरांची चिंता वाढली; कोरोनाचा दुसरा बळी
 

डायस प्लॉटच्या पुलाखाली, रिक्षात, तसेच दुचाकीच्या पार्कींगमध्ये बसून गप्पा मारल्या जात आहेत. या भागात पोलिसांचा बंदोबस्त आहे. मात्र, पोलिसांची नजर चुकवून हे सर्व प्रकार सुरू आहेत. तसेच काही ठिकाणी तरूणांना पोलीसांकडून चांगला चोप दिला जातोय. महर्षीनगर, मुकुंदनगर भागात नागरिक पोलिसांना सहकार्य करत आहेत.