दहावी-बारावीच्या विद्यार्थ्यांनो, टेन्शन करा दूर, प्रश्नसंच करा डाउनलोड!

पुणे : तुम्ही दहावी-बारावीच्या बोर्डाच्या परीक्षेची तयारी करता आहात का!, परीक्षेची तयारी नेमकी कशी करायची कळत नाहीये!! अहो, मग टेन्शन कशाला घेताय. त्वरित राज्य शैक्षणिक संशोधन व प्रशिक्षण परिषदेने (एससीईआरटी) दहावी-बारावीच्या विद्यार्थ्यांना सरावासाठी प्रश्नसंच उपलब्ध करून दिला आहे. त्यामुळे आता लवकरात लवकर एससीईआरटीच्या संकेतस्थळावर जा आणि प्रश्नसंच डाऊनलोड करून घ्या. 

- बुमराह झाला पुण्याचा जावई; संजनापेक्षा वयाने लहान​

कोरोनाच्या पार्श्वभूमीवर राज्यात गेल्या वर्षापासून ऑनलाइन शिक्षण सुरू आहे. ऑनलाइन शिक्षणाच्या मर्यादा लक्षात घेऊन राज्य सरकारच्या शालेय शिक्षण विभागाने इयत्ता पहिले ते बारावीचा अभ्यासक्रम २५ टक्क्यांनी कमी केला. मात्र, दरम्यान दरवर्षी फेब्रुवारी-मार्चमध्ये होणाऱ्या दहावी-बारावीच्या परीक्षा यंदा एप्रिल-मे महिन्यात घेण्यात येत आहेत. अद्यापही अनेक शाळांमध्ये अभ्यासक्रम शिकवून पूर्ण झालेला नसल्याची आणि काही विद्यार्थ्यांपर्यंत ऑनलाइन शिक्षण पोचू न शकल्याचे वास्तव समोर येत आहे. तसेच परीक्षेची तयारी अधिक चांगल्याप्रकारे करता यावी, या दृष्टीने शिक्षण विभागाकडून प्रश्नसंच तयार करण्यात यावा, अशी मागणी गेल्या काही दिवसांपासून विविध पातळ्यांवर होत होती.

- लॉकडाउन टाळायचा असेल तर...; काय म्हणाले आरोग्यमंत्री राजेश टोपे?​

या पार्श्वभूमीवर शालेय शिक्षण मंत्री वर्षा गायकवाड यांनी राज्य परिषदेला त्याबाबत सूचना केल्या होत्या. त्यानुसार परिषदेने प्रश्नसंच तयार केले आहेत. पहिल्या टप्प्यात काही दहावी-बारावीच्या मराठी आणि इंग्रजी माध्यमाचे काही विषयांच्या प्रश्नसंच परिषदेच्या संकेतस्थळावरून डाऊनलोड करण्याची सोय उपलब्ध करून देण्यात आली आहे. लवकरच इतर विषयांचे प्रश्नसंच संकेतस्थळावर डाऊनलोड करण्याची सोय उपलब्ध करून देण्यात येणार असल्याची माहिती परिषदेचे उपसंचालक विकास गरड यांनी दिली आहे. 

- Corona Updates: चिंता वाढली! राज्यात दिवसभरात आढळले १५ हजारांहून अधिक नवे रुग्ण​

दहावी-बारावीचे प्रश्नसंच येथून करा डाऊनलोड : https://maa.ac.in/index.php?tcf=prashnpedhi 

आता उपलब्ध असलेले प्रश्नसंच : विषय (माध्यम) 
बारावी : जीवशास्त्र, रसायनशास्त्र, गणित आणि सांख्यिकी, इंग्रजी, इतिहास (मराठी/इंग्रजी), भूगोल (मराठी), गणित आणि सांख्यिकी (वाणिज्य)

दहावी : इंग्रजी (प्रथम भाषा), गणित भाग एक आणि भाग दोन, इतिहास आणि राज्यशास्त्र (मराठी/इंग्रजी), भूगोल (मराठी/इंग्रजी), कुमारभारती

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)