मुळशीकरांनो, आकडा वाढतोय...कोरोनाने ओलांडला द्विशतकाचा टप्पा  

पिरंगुट (पुणे)  : मुळशी तालुक्यात कोरोनाने आज द्विशतक ओलांडल्याने धोका वाढला आहे. आज तालु्क्यात नवीन १८  कोरोनाग्रस्तांची वाढ झाली असून, 
आता तालुक्यातील कोरोनाबाधितांची संख्या २०५ वर पोचली आहे. 

मुळशी तालुक्यात आज सापडलेल्या रुग्णांत तेरा पुरुष, तर पाच महिलांचा समावेश असून, सर्वाधिक आठ रुग्ण भुकूम येथे सापडले आहेत.  आज भुकूम येथे आठ, सूसला दोन, नांदे येथे एक, दारवली (धनवेवाडी) येथे तीन, रिहे येथे एक, शिंदेवाडी येथे दोन, तर लवळे येथे एक कोरोनाबाधित सापडला आहे. तालुक्यात बरे झालेले रुग्ण एकूण ५६ असून आज तालुक्यात दोघांचा मृत्यू झाला आहे. त्यामुळे आतापर्यंत तालुक्यातील मृतांची संख्या पाच झाली आहे.

अमोल कोल्हे सांगतात, कोरोनाच्या लढाईत...माझी ढाल, माझा मास्क...

दरम्यान, मुळशी तालुक्यातील बहुतांशी गावांत सुरू केलेला जनता कर्फ्यू आज सकाळी रद्द करण्यात आला आहे.  जिल्हाधिकाऱ्यांनी काढलेल्या आदेशानुसार, 
लॅाकडाउन सोमवारी मध्यरात्रीपासून होणार असल्याने पिरंगुट व्यापारी संघटना व ग्रामस्थांनी पुकारलेला जनता कर्फ्यू रद्द करण्यात आला आहे. त्यामुळे 
ग्रामस्थांनी आज जीवनावश्यक वस्तू खरेदी करण्यासाठी विविध दुकानांसमोर गर्दी केली होती. 

एका लग्नाची मोठी गोष्ट...वऱ्हाडींसह नवरा- नवरीचंही जुळलं कोरोनाशी नातं 

सध्या आखाड महिना असल्याने उद्याचा रविवारचा दिवसही महत्त्वाचा आहे.  उद्या मटण, मासळी तसेच अन्य मांसाहारी खाद्य पदार्थ खरेदी करण्यासाठी गर्दी होण्याची शक्यता आहे. त्यामुळे खवय्यांची उद्या मटण व मासे खरेदीसाठी झुंबड उडणार आहे. त्यातही या सोशल डिस्टन्सचा फज्जा उडण्याची दाट शक्यता आहे. 
  
Edited by : Nilesh Shende