Sheetal Tejwani Sent to Yerwada Jail in Mundhwa Land Case
Sakal
पुणे : मुंढव्यातील चाळीस एकर सरकारी जमिनीच्या बेकायदा खरेदी-विक्री प्रकरणात अटक शीतल तेजवानीची रवानगी सोमवारी येरवडा कारागृहात करण्यात आली आहे. तीनशे कोटी रुपयांच्या व्यवहारात तिच्याकडे पोलिसांनी कसून चौकशी केल्यानंतरही माहिती देत नसल्याचे पुणे पोलिसांनी न्यायालयात सांगितले. यानंतर न्यायालयाने तेजवानीला न्यायालयीन कोठडी सुनावत तिची रवानगी येरवडा कारागृहात केली. पोलिस कोठडीची मुदत संपल्याने तिला सोमवारी दुपारी न्यायालयात हजर करण्यात आले होते.