दौंड (पुणे) : दौंड शहरातील छायाचित्रकार केदार श्रीपाद भागवत (वय ४६) यांचा लिंगाळी हद्दीत खून करण्यात आला आहे.
दौंड-लिंगाळी रस्त्यालगत काळे मळा येथील कालव्यालगत आज सकाळी साडेनऊ वाजता केदार भागवत (वय ४६, रा. शालीमार चौक, दौंड) यांचा मृतदेह आढळून आला. डोक्यात दगड घालून व बाटली फोडून खून करण्यात आला आहे.
मृतदेहाजवळ दारूच्या रिकाम्या बाटल्या आढळून आल्या आहेत. प्रभारी पोलिस उप अधीक्षक नारायण शिरगावकर (बारामती), पोलिस निरीक्षक सुनील महाडिक, आदींनी घटनास्थळाची पाहणी केली. या बाबत दौंड पोलिस ठाण्यात गुन्हा दाखल करण्याचे काम सुरू आहे. खुनाचे कारण स्पष्ट झालेले नाही.
शहरातील ज्येष्ठ व जाणते छायाचित्रकार श्रीपाद भागवत यांचे केदार हे ज्येष्ठ चिरंजीव आहेत. दौंडचे पोलिस निरीक्षक सुनील महाडिक यांनी या बाबत सांगितले की, डोक्यात दगड घालून खून केल्याचे आढळून आले आहे. सर्व शक्यता विचारात घेऊन खुनाचा तपास केला जात आहे.
- पुण्याच्या बातम्या वाचण्यासाठी येथे ► क्लिक करा
(संपादन : सागर दिलीपराव शेलार)
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.