दौंड तालुका हादरला...तरुणाकडून पत्नी व नातलगाचा खून 

यवत (पुणे) : दौंड तालुक्यातील खुटबाव येथे सध्या राहत असलेल्या मंगेश अरूण जाधव (वय 35, मूऴ रा. विठ्ठलवाडी डॅमजवऴ, ता. शिरूर) याने आपली पत्नी मनीषा उर्फ हनीबाई उर्फ अशीबाई (वय 32) व नातलग दीपक वाघमारे (वय 31, रा. भोर) यांना धारदार लोखंडी कोयता व लाकडी काठीने मारहाण करून जिवे मारले, अशी माहिती पोलिस निरीक्षक भाऊसाहेब पाटील यांनी दिली. 

वीजग्राहकांना लवकरच आनंदाची बातमी मिळण्याची शक्यता

ही घटना खुटबाव गावच्या हद्दीत मटकळा वस्ती येथे काल (ता. 30) रात्रीच्या सुमारास घडली आहे. खुनाचे नेमके कारण अद्याप समोर आलेले नाही. आरोपी मंगेश जाधव यास यवत पोलिसांनी ताब्यात घेतले आहे. दौंडच्या उपविभागीय पोलिस अधिकारी ऐश्वर्या शर्मा व यवतचे पोलिस निरीक्षक भाऊसाहेब पाटील यांनी घटनास्थळी भेट दिली आहे. यवतचे पोलीस निरीक्षक भाऊसाहेब पाटील पुढील तपास करीत आहेत.

पुण्यात या ठिकाणी रुग्णांना मिळतोय दिलासा

खुनाचे नेमके कारण पोलिस तपासात समोर येईलच. मात्र, अशा घटना या पुढे घडू नयेत, यासाठी पोलिस सर्वोतोपरी काळजी घेतील. त्यासाठी पोलिस योग्य दिशेने तपास करतील. यातील दोषी व्यक्तीला शिक्षा होणे गरजेचे आहे. त्यामुळे अशा घटना घडवण्यापासून संबंधितांना या पुढे परावृत्त करण्यास उपयोग होईल, अशी प्रतिक्रिया शर्मा यांनी पत्रकारांशी बोलताना दिली.