बारामतीनंतर आता पुण्यात गोपीचंद पडळकरांविरुद्ध तक्रार दाखल

पुणे : राष्ट्रवादी काँग्रेस पक्षाचे अध्यक्ष शरद पवार यांच्याबद्दल आक्षेपार्ह विधान केल्या प्रकरणी भाजपचे गोपीचंद पडळकर यांच्याविरुद्ध सहकारनगर पोलिस ठाण्यात राष्ट्रवादीच्या नगरसेवकाने तक्रार दाखल केली आहे. याप्रकरणी पडळकर यांच्याविरुद्ध गुन्हा दाखल करावा, अशी मागणी या तक्रार अर्जाद्वारे करण्यात आली आहे. 

- पुणे विद्यापीठाच्या अधिसभेत शिवसेना-भाजपमध्ये जुंपली; काय झालं सभेत?

महापालिकेच्या स्थायी समितीचे माजी अध्यक्ष व नगरसेवक विशाल तांबे यांनी ही तक्रार केली आहे. याबाबत गृहमंत्री अनिल देशमुख, गृहराज्यमंत्री सतेज पाटील यांनाही पत्र पाठविण्यात आले आहे. राज्यात सध्या कोरोनाची साथ सुरु असून सर्व संघटना, पक्ष, संस्था या कोरोना नियंत्रित करण्यात गुंतले आहेत.

- 'या'मुळे पुण्यात वाढली कोरोनाची रुग्णसंख्या; आरोग्य अधिकाऱ्यांनीही केलं मान्य!

असे असतानाही भाजपने विधान परिषदेवर निवडून आणलेले आमदार गोपीचंद पडळकर यांनी चर्चेची कोणतीही पार्श्वभूमी नसतानाही पक्षाचे अध्यक्ष शरद पवार यांच्याविषयी आक्षेपार्ह विधान केले आहे. त्यांच्या या वक्तव्यमुळे जनक्षोभ उसळून समाजात तेढ निर्माण होईल, असे तांबे यांनी दिलेल्या तक्रारीत नमूद केले आहे.

- #BoycottChina : अख्ख्या गावानेच केलाय चिनी उत्पादनांचा बहिष्कार; कोणतं आहे हे गाव?

तसेच राज्यात सध्या साथरोग नियंत्रण कायदा लागू आहे. असे असतानाही समाजात जाणीवपूर्वक उद्रेक घडवायचा, पवार यांच्यावर आतोनात प्रेम करणाऱ्या सर्वसामान्य कार्यकर्ते, पदाधिकारी यांना मुद्दाम डिवचण्याचा त्यांचा प्रयत्न आहे. त्यामुळे त्यांच्याविरुद्ध गुन्हा दाखल करुन कडक कारवाई करावी, अशी मागणी या तक्रारीद्वारे तांबे यांनी केली आहे.

- ताज्या बातम्यांसाठी डाऊनलोड करा ई-सकाळचे ऍप 

- पुण्याच्या बातम्या वाचण्यासाठी येथे  क्लिक करा