पुणे : पुणे जिल्ह्यात शनिवारी (ता.21) सलग चौथ्या दिवशी नवीन रुग्णांत वाढ झाली असून कोरोनामुक्त रुग्णांची संख्या कमी झाली आहे. जिल्ह्यात शनिवारी 914 नवे रुग्ण आढळून आले आहेत. यामुळे जिल्ह्यातील सक्रिय रुग्णांची संख्या दहा दिवसांच्या खंडानंतर पुन्हा एकदा दहा हजारांच्याजवळ पोचली आहे. दिवसभरातील एकूण रुग्णांमध्ये पुणे शहरातील 443 जण आहेत.
शनिवारी दिवसभरात 10 हजार 902 कोरोना चाचण्या घेण्यात आल्या आहेत. गेल्या 24 तासांत 760 जण कोरोनामुक्त झाले आहेत. याशिवाय 12 रुग्णांचा मृत्यू झाला आहे. आजच्या एकूण मृत्यूंमध्ये पुणे शहर, पिंपरी चिंचवड आणि जिल्हा परिषद कार्यक्षेत्रातील प्रत्येकी चार रुग्णांचा समावेश आहे. शनिवारी नगरपालिका आणि कॅंन्टोन्मेंट बोर्ड क्षेत्रातील एकाही रुग्णाचा मृत्यू झाला नाही.
पुणे जिल्ह्यात सध्या विविध रुग्णालयात 3 हजार 903 कोरोना रुग्ण उपचार घेत आहेत. याशिवाय 6 हजार 32 रुग्णांवर त्यांच्या घरातच उपचार करण्यात येत आहेत. यामुळे पुणे जिल्ह्यातील आतापर्यंतच्या एकूण कोरोना रुग्णांची संख्या आता 3 लाख 35 हजार 425 झाली आहे. यापैकी आतापर्यंत 3 लाख 17 हजार 388 कोरोनामुक्त झाले आहेत. आतापर्यंत 8 हजार 266 रुग्णांचा मृत्यू झाला आहे. एकूण मृत्यू झालेल्यांमध्ये पुणे जिल्ह्याबाहेरील 387 रुग्ण आहेत.
शनिवारी पिंपरी-चिंचवडमध्ये 192, जिल्हा परिषद क्षेत्रात197, नगरपालिका
क्षेत्रात 66 आणि कॅंटोन्मेंट बोर्ड क्षेत्रात 16 नवे रुग्ण सापडले आहेत. नवे कोरोना रुग्ण आणि रुग्णांच्या मृत्यूची संख्या ही शुक्रवारी (ता.20) रात्री आठ वाजल्यापासून शनिवारी (ता.21) रात्री आठ वाजेपर्यंतची आहे.
- पुण्याच्या बातम्या वाचण्यासाठी येथे ► क्लिक करा
(Edited by: Ashish N. Kadam)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
