सातारा : खिंडवाडी (ता. सातारा) येथील वृद्धाच्या घरातून एटीएम चोरून दोन लाख दहा हजार रुपये काढणाऱ्यास शहर पोलिसांनी अटक केली आहे. अजित पांडुरंग नांगरे (वय ३६, रा. भादुले, ता. हातकणंगले, जि. कोल्हापूर) असे त्याचे नाव आहे. याबाबत शिवाजी साहेबराव चव्हाण (वय ६५) यांनी फिर्याद नोंदविली होती. २१ डिसेंबरला त्यांच्या घरातून युनियन बँकेचे एटीएम कार्ड अनोळखी व्यक्तीने चोरून नेले. त्यानंतर त्यांच्या बँकेच्या खात्यातून तब्बल दोन लाख दहा हजार रुपये काढण्यात आले. हा प्रकार त्यांच्या लगेच लक्षात आला नाही.(One arrested for stealing old man ATM card and withdrawing money)
बँकेत पैसे काढण्यासाठी गेल्यावर खात्यातून दोन लाख रुपये काढले गेल्याचे त्यांना बँकेने सांगितले. त्यानंतर त्यांनी याबाबत शहर पोलिस ठाण्यात फिर्याद नोंदविली होती. उपनिरीक्षक कदम या गुन्ह्याचा तपास करत होते. तपासादरम्यान पोलिसांनी चव्हाण यांच्याकडे चौकशी केली. त्यावरून नांगरे याच्यावर पोलिसांचा संशय बळावला. त्यांनी त्याला भादुले या गावातून अटक केली. पोलिस कोठडीमध्ये केलेल्या चौकशीत त्याने गुन्ह्याची कबुली दिली.(Satara news)
पोलिसांनी त्याच्याकडून एटीएम व एक लाख ८० हजार रुपये रोख रक्कम हस्तगत केली आहे. तो चव्हाण यांच्या घरी आयुर्वेदीक औषधे देण्यासाठी आला होता. त्यांच्या वृद्धत्वाचा फायदा घेत त्याने एटीएम लंपास केले होते. पोलिस निरीक्षक भगवान निंबाळकर व वंदना श्रीसुंदर यांच्या मार्गदर्शनाखाली गुन्हे प्रकटीकरण विभागाचे उपनिरीक्षक समीर कदम, सुजित भोसले, अविनाश चव्हाण, अभय साबळे, पंकज ढाणे, विक्रम माने, संतोष कचरे, सागर गायकवाड, गणेश घाडगे यांनी या कारवाईत सहभाग घेतला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
