विरुद्ध दिशेने आलेल्या भरधाव दुचाकीच्या धडकेत एक ठार 

पुणे : रस्त्यावरून विरुद्ध दिशेने भरधाव आलेल्या दुचाकीने समोरून येणाऱ्या दुचाकीला जोरदार धडक दिली. या अपघातामध्ये दुचाकीस्वार गंभीर जखमी झाल्याने त्यांचा मृत्यू झाला. 

पुणे : सफरचंदापेक्षा कांदा महाग; किलोला तब्बल एवढा भाव  
प्रशांत ज्ञानेश्‍वर टोंगळे (वय 47, रा.चिंतामणीनगर, सुभाष पार्क, हांडेवाडी रस्ता, हडपसर) असे अपघातात मृत्यू झालेल्या दुचाकीस्वाराचे नाव आहे. याप्रकरणी प्रवीण टोंगळे यांनी (वय 44) यांनी हडपसर पोलिस ठाण्यात फिर्याद दिली आहे. त्यावरून अनोळखी दुचाकीस्वाराविरुद्ध गुन्हा दाखल करण्यात आला आहे.

पुणे : सणसरजवळ युवकाचा खून

पोलिसांनी दिलेल्या माहितीनुसार, फिर्यादी यांचे भाऊ प्रशांत टोंगळे हे मंगळवारी रात्री साडे दहा वाजता त्यांच्या दुचाकीवरून जात होते. त्यांची दुचाकी ससाणे रोडवरील डिमार्टसमोर आली. त्यावेळी वाहतुकीच्या नियमांचे उल्लंघन करीत विरुद्ध दिशेने भरधाव आलेल्या दुचाकीने टोंगळे यांच्या दुचाकीस समोरून जोरदार धडक दिली. त्यामुळे टोंगळे खाली पडून त्यांना गंभीर दुखापत झाली. त्यांना उपचारासाठी तत्काळ रुग्णालयात दाखल करण्यात आले, मात्र त्यांचा उपचारांपूर्वीच मृत्यू झाला.

  #Hyperloop ‘हायपर लूप’चे काय होणार?