पुणे : सावित्रीबाई फुले पुणे विद्यापीठातर्फे सहायक प्राध्यापक पदाच्या पात्रतेसाठी घेण्यात आलेल्या 'सेट' परीक्षेत 50 हजार विद्यार्थ्यांनी उपस्थिती लावली. कोरोना आणि अन्य कारणामुळे यंदा केवळ 45 टक्केच विद्यार्थ्यांनी परीक्षा दिली.
पुणे विद्यापीठातर्फे महाराष्ट्र आणि गोवा राज्यातील विद्यार्थ्यांसाठी 'सेट' परीक्षेचे आयोजन केले जाते. ही परीक्षा यापूर्वी 28 जून रोजी होणार होती. पण ती कोरोनाचा संसर्ग आणि लॉकडाऊनमुळे प्रवास करणे शक्‍य नसल्याने ही परीक्षा पुढे ढकलण्यात आली. राष्ट्रीय पातळीवरील 'नेट' परीक्षा झाल्यानंतर 'सेट'ची परीक्षा 27 डिसेंबरला घेण्याचा निर्णय विद्यापीठाने घेतला.
'सेट'साठी 32 विषयांसाठी 1 लाख 11 हजार 106 विद्यार्थ्यांनी नोंदणी केली होती. यामध्ये पुणे, मुंबई, कोल्हापूरसह 15 शहरात 239 परीक्षा केंद्र निश्‍चित करण्यात आले होते. पुण्यातून सर्वाधिक 19 हजार विद्यार्थ्यांनी अर्ज भरले होते. आज रविवारी दोन सत्रांमध्ये ही परीक्षा घेण्यात आली. यात पेपर एक मध्ये 50 प्रश्‍न 100 गुण आणि पेपर दोन मध्ये 100 प्रश्‍न 200 गुणांचे बहुपर्यायी प्रश्‍न (मल्टिपल च्वाइस क्वेश्‍चन-एमसीक्‍यू) होते.
सेट परीक्षेसाठी नोंदणी केलेल्या विद्यार्थ्यांपैकी 70 हजार विद्यार्थ्यांनी प्रवेशपत्र डाऊनलोड केले होते, त्यापैकी 50 हजार विद्यार्थ्यांनी परीक्षा दिली. यापूर्वी झालेल्या परीक्षांमध्ये साधारणपणे 55 टक्के उपस्थिती असते, पण यंदा कोरोना, नेट परीक्षेचा लागलेला निकाल यासह अन्य कारणांनी उपस्थिती कमी झाली असावी, असे 'सेट'चे समन्वयक डॉ. बी. पी. कापडणीस यांनी सांगितले.
- पुण्याच्या बातम्या वाचण्यासाठी येथे ► क्लिक करा
(Edited by: Ashish N. Kadam)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.