Toilet Seva Mobile App - पुणे शहरातील महापालिकेची, संस्था, बँका, हॉटेल्ससह इतर खासगी ठिकाणची स्वच्छता गृहांची माहिती एका क्लीकवर मिळणार आहे. ‘टॉयलेट सेवा’ हे मोबाईल ॲपचे आज महापालिका आयुक्त विक्रम कुमार यांनी उद्‍घाटन केले. त्यामुळे खरेदी व इतर कामासाठी घराबाहेर पडणाऱ्या नागरिकांना हे ॲप उपयुक्त पडणार आहे.
महापालिकेचे अतिरिक्त आयुक्त डॉ. कुणाल खेमणार, घनकचरा व्यवस्थापन विभागाच्या उपायुक्त आशा राऊत, ॲप विकसित करणारे अमोल भिंगे आदी यावेळी उपस्थित होत्या.
आयुक्त विक्रम कुमार म्हणाले, जास्तीत जास्त नागरिकांनी हे ॲप वापरावे. त्यांच्या सूचना, तक्रारींची दखल घेऊन सुधारणा केली जाईल.
अमोल भिंगे म्हणाले, शहरातील खासगी आस्थापनांमधील स्वच्छता गृहांसह महापालिकेच्या १२२४ पैकी ११८४ स्वच्छतागृहांची माहिती या ॲपवर उपलब्ध आहे. महापालिकेसाठी ही सेवा पूर्णपणे मोफत असून, यासाठी महापालिकेकडे पैशाची मागमी केली जाणार आहे.
या ॲपमध्ये गुगल मॅपच्या लोकेशनवरून एक किलोमीटर परिसरातील खासगी तसेच महापालिकेच्या स्वच्छतागृहांची माहिती मिळेल. या ॲपमध्ये सुधारणा करून महापालिकेच्या ॲपची स्वतंत्र यादी तयार केली जाईल. हे ॲप गुगल प्ले स्टोअरवर उपलब्ध आहे.
नागरिक देणार अभिप्राय
‘टॉयलेट सेवा’ ॲपवरून नागिरकांना खासगी किंवा महापालिकेचे स्वच्छतागृह स्वच्छ आहे की अस्वच्छ, येथे असलेल्या सुविधांवरून त्याला अभिप्राय देता येईलच.
शिवाय नागरिकांकडून रेटिंग दिले जाणार असल्याने त्यावरून खासगी संस्था, हॉटेल, चित्रपटगृह, यासह इतर व्यावसायिकांना त्यांचे स्वच्छतागृह स्वच्छ व सर्व सुविधांनी तयार ठेवावे लागेल. स्वच्छतागृह चांगले असेल तर त्याचा फायदा व्यवसायासाठी होऊ शकेल, असे भिंगे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
