संतापजनक, शेतकऱ्यांनी घाम गाळून पिकविलेल्या शेतमालावर पोलिसांचा डल्ला 

दौंड (पुणे) : दौंड शहरात गस्तीवरील काही पोलिसांकडून शेतमालाची वाहतूक करणाऱ्या टेम्पोमालकांना दमदाटी करून दररोज शेतकऱ्यांचा भाजीपाला काढून घेण्याचा घृणास्पद प्रकार सुरू आहे. बाजार समितीकडे जाणाऱ्या प्रत्येक टेम्पोतून मागील आठ दिवसांपासून शेतमाल बळजबरीने काढून घेतला जात आहे.

पुणे जिल्ह्यातील अंगणवाडी, शाळा दुरुस्तीसाठी एवढा निधी मंजूर

याबाबत दौंड कृषी उत्पन्न बाजार समितीचे सचिव तात्यासाहेब टुले यांनी १७ जुलै रोजी दौंड पोलिस ठाणे व दौंड पोलिस उप अधीक्षक कार्यालयात लेखी तक्रार केली आहे. बाजार समितीत सकाळी भाजीपाल्याचा लिलाव होतो व त्यासाठी पहाटेपासून दौंड व शेजारील तालुक्यातून शेतकरी टेम्पोतून शेतमाल आणतात. कोरोनाच्या वाढत्या प्रादुर्भावाच्या पार्श्वभूमीवर भाजीपाला उत्पादक स्वतः शेतमाल घेऊन न जाता ओळखीच्या टेम्पोमालकाकडे पोते व प्लॅस्टिक क्रेटमध्ये भाजीपाला लिलावासाठी पाठवितात. परंतु, रेल्वे उड्डाण पूल येथे गस्तीवरील काही पोलिस कर्मचारी, गृहरक्षक दलाचे जवान तपासणीच्या नावाखाली शेतमालाची वाहतूक करणारे वाहन अडवत आहेत. 

काय सांगता, पुणे झेडपीला डाॅक्टर आणि नर्स मिळेना...

वाहतुकीसाठी आवश्यक परवाना, तोंडाला मास्क, मंजूर क्षमतेएवढेच शेतमालाची वाहतूक, वाहनाची कागदपत्रे, आदी बाबींची पूर्तता केलेली असताना वाहने अडविले जात आहेत. तपासणीदरम्यान पोलिस कर्मचारी टेम्पोचालकास टेम्पोच्या आत जाण्यास सांगून क्रेट व पोत्यांमधील कोथिंबिर व मेथीच्या गड्ड्या, वांगी, दोडका, भोपळा, आदी काढून द्यायला सांगतात. टेम्पोचालकाने नकार दिल्यास किंवा टाळाटाळ केल्यास त्यांना कारवाईची भीती दाखवत दमदाटी केली जात आहे. शेतकरी हे वजन करून भाजीपाला व शेतमाल टेम्पोमालकाकडे देतात. परंतु, लिलावानंतर पट्टीमध्ये शेतमाल वजनाला कमी भरत असल्याने टेम्पोमालक आणि शेतकर्यांमध्ये वजनावरून वाद होत आहेत. 

पुण्याच्या इतर बातम्या वाचण्यासाठी येथे क्लिक करा

याबाबत शेतमालाची वाहतूक करणाऱ्यांनी बाजार समिती प्रशासनाकडे तक्रार केल्यानंतर बाजार समितीच्या वतीने पोलिसांकडे लेखी तक्रार करण्यात आली आहे. पोलिसांनी या प्रकरणी चौकशी करून कारवाईचे आश्वासन दिले आहे. 
  
Edited By : Nilesh J. Shende