चेन्नईतील स्वयंसेवकाची समस्या लसीशी निगडित नाही; सिरम इंस्टिट्यूटचा दावा

पुणे - चेन्नईतील स्वयंसेवकाच्या ढासळलेल्या आरोग्याबद्दल आम्हाला सहानुभूती आहे. पण याचा कोविशिल्ड लशीच्या चाचणीशी कोणताही संबंध नसल्याचे नैतिक समिती आणि डेटा ऍण्ड सेफ्टी मॉनिटरिंग बोर्डाच्या मुख्य तपासणी अधिकाऱ्यांनी स्पष्ट केले आहे, असा दावा सिरम इंस्टिट्यूट ऑफ इंडियाच्या वतीने करण्यात आला आहे. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

कोविशिल्ड लस टोचून घेतल्यामुळे मेंदुशी निगडित आजारांची गंभीर लक्षणे दिसून येत असल्याचा दावा, चेन्नईतील एका नागरिकाने केला होता. संबंधित संस्थांना नोटीस पाठवून पाच कोटीची नुकसान भरपाईची मागनीही त्यांनी केली आहे. त्या पार्श्‍वभूमीवर सिरम इंस्टिट्यूटच्या वतीने समाजमाध्यमांवर हा खुलासा करण्यात आला आहे. कोविशिल्डच्या चाचणीसाठी आवश्‍यक सर्व नियमांसह, नैतिक तत्त्वांचे आणि मार्गदर्शक सूचनांचे काटेकोर पालन करण्यात येत आहे. यासंबंधीचा सर्व माहिती आणि अहवाल आम्ही ड्रग्ज कंट्रोल जनरल ऑफ इंडियाला सादर केला असून, पुढील चाचण्या चालू ठेवण्यात येत असल्याचे सिरमने स्पष्ट केले आहे. 

बॅकलाॅगची परीक्षा प्रॉक्टर्ड पद्धतीनेच; गैरप्रकारांना बसणार आळा

लस पूर्णपणे सुरक्षित आणि प्रभावी असल्याचे सिद्ध होत नाही. तोपर्यंत लसीकरणासाठी आम्ही तिला बाजारात आणणार नाही. लसींच्या वैद्यकीय चाचण्यांची क्‍लिष्टता लक्षात घेता आणि कंपनीच्या प्रतिष्ठेला धोका पोचविणाऱ्या अन्यायकारक गोष्टींविरुद्ध आम्ही कायदेशीर नोटीस पाठवत आहोत. 
- सिरम इंस्टिट्यूट ऑफ इंडिया

Edited By - Prashant Patil