ऐन गणेशोत्सवात पुण्यात मुळशी पॅटर्नचा थरार, मंडळासमोरच तरुणावर कोयत्यानं हल्ला; घटना CCTVत कैद

पुण्यात गणेशोत्सव उत्साहात सुरू असतानाच पाषाणमध्ये मुळशी पॅटर्नचा थरार बघायला मिळाला. जुन्या वादातून तरुणावर गणपतीच्या मंडळासमोरच कोयत्यानं वार करण्यात आले. या घटनेचा सीसीटीव्ही व्हिडीओ व्हायरल झाला आहे. यात दिसतं की तरुणावर पाठलाग करत वार केले. पाठलाग करणाऱ्याने तरुण खाली पडला तरी त्याच्यावर हल्ला केला. ऐन गणेशोत्सवात घडलेल्या या घटनेमुळं पुण्यात खळबळ उडाली आहे. जुन्या भांडणाचा राग मनात धरून हा हल्ला झाल्याची माहिती समोर आलीय. तरुणावर कोयत्याने वार केल्यानं तो गंभीर जखमी झाला आहे. दरम्यान, या घटनेमुळं उपस्थितांमध्ये भीतीचं वातावरण निर्माण झालंय.