Pune Dam News : निरा देवघर धरणाच्या सांडव्यातून पाण्याचा विसर्ग सुरू ; पाच पैकी दोन दरवाजे उघडले !

Pune Dam News : पुणे तालुक्यातील निरा देवघर धरणाच्या पाणलोट क्षेत्रात पावसाचे प्रमाण वाढल्याने शनिवारी (ता १९) रात्री निरा देवघर धरण १०० टक्के भरले.

त्यामुळे विद्युतगृहद्वारे नीरा नदी पात्रामध्ये सुरू असणाऱ्या ७५० क्युसेक विसर्ग मध्ये वाढ करुन सोमवारी (ता २१) सकाळी सांडव्यामधून पाणी सोडण्यास सुरुवात करण्यात आली.

सोमवारी सकाळी ७ वाजता धरणाच्या सांडव्यावरून नदी पात्रामध्ये ५९० क्यूसेक पाण्याचा विसर्ग सुरू झाला. सद्यस्थितीत विद्युतगृहद्वारे ७५० क्यूसेक आणि सांडव्यातून ५९० क्यूसेक एकूण १ हजार ३४० क्यूसेक पाणी सोडण्यात येत आहे.

पावसाच्या तीव्रतेनुसार विसर्गामध्ये आवश्यक कमी-अधिक बदल होऊ शकतो, असे पाटबंधारे विभागाने कळविले आहे. तरी सर्वांना याद्वारे विनंती करण्यात येते की, नीरा देवघर धरणातून पाण्याचा विसर्ग सुरू झाल्यामुळे नीरा नदीकाठच्या गावांना सतर्कतेचा इशारा देण्यात आला आहे.

नागरिकांनी कृपया नदीपात्रात उतरू नये आणि नदीपात्रात काही तत्सम साहित्य अथवा जनावरे असल्यास तात्काळ हलविण्यात यावीत. असे आवाहन करण्यात आले असल्याचे नीरा पाटबंधारे विभागाचे श्रेणी एक चे सहाय्यक अभियंता योगेश भंडलकर यांनी सांगितले.