Pune: १० उद्यानांना Couples Garden म्हणून घोषित करा; पाषाण तलाव वादानंतर मागणी | Sakal
sakal

बोलून बातमी शोधा

Unmarried Couples Banned From Pashan Lake
Pune: १० उद्यानांना Couples Garden म्हणून घोषित करा; पाषाण तलाव वादानंतर मागणी

Pune: १० उद्यानांना Couples Garden म्हणून घोषित करा; पाषाण तलाव वादानंतर मागणी

पुण्यातल्या पाषाण तलाव परिसरात अविवाहित जोडप्यांना बंदी घालण्यात आली होती. याबद्दलचा फतवा काढत पालिकेने तलाव परिसरात Couple is not Allowed असा फलकही लावला होता. मात्र काही संस्थांच्या विरोधानंतर हा फलक काढून टाकण्यात आला आहे. आता पुण्यात १० कपल्स गार्डन उभारण्याची मागणी केली जात आहे.

हेही वाचा: BLOG: पुण्यातल्या पाषाण तलावाजवळ जोडप्यांना बंदी ठरू शकते पृथ्वीच्या विनाशाचं कारण!

अविवाहित जोडप्यांना पाषाण तलाव परिसरात बंदी घालण्यात आली होती. या निर्णयाला काही संस्था आणि नागरिकांनी, सोशल मीडिया तसंच निवेदन देऊन तीव्र विरोध दर्शवला होता. राईट टू लव्ह या संस्थेनं पालिकेने हा निर्णय त्वरित मागे घेण्यात यावा अशा मागणीचं निवेदनही पालिका आयुक्त आणि उद्यान विभाग अधिक्षक अशोक घोरपडे यांना दिलं होतं. त्यानंतर आता याच संस्थेकडून पुण्यात १० कपल्स गार्डन उभारण्यात यावीत, अशी मागणी केली आहे.

हेही वाचा: Pune: महापालिकेला जाग; पाषाण तलावावरुन 'Couples not allowed' चे फलक हटवले!

अविवाहित जोडप्यांना पाषाण तलाव परिसरात परवानगी का नाही?

पालिकेने हा बोर्ड लावल्याचं आणि अविवाहित जोडप्यांना विरोधाचं कारणही स्पष्ट केलं होतं. या जोडप्यांमुळे पक्षीनिरीक्षणात अडथळा येत असल्याचं महापालिकेने सांगितलं होतं. पण हा आदेश बेकायदेशीर आणि घटनेतल्या मूलभूत अधिकारांचं उल्लंघन करणारा आहे,त्यामुळे हा आदेश मागे घेण्यात यावा, अशी मागणी राईट टू लव्ह संस्थेनं केली होती.

हेही वाचा: पाषाण तलाव परिसरात अविवाहित जोडप्यांना बंदी

त्यानंतर आता असे वाद पुन्हा होऊ नयेत, आणि प्रेम करणाऱ्या व्यक्तींवर अन्याय न होता त्यांचा सन्मान व्हावा, यासाठी पुणे महानगरपालिकेने शहरातल्या किमान १० गार्डन्सना कपल गार्डन्स म्हणून घोषित करा, अशी मागणी राईट टू लव्ह संस्थेनं केली आहे. आपण या मागणीचा पाठपुरावा करणार असल्याची भूमिकाही या संस्थेनं घेतलेली आहे.

Web Title: Pune Declare 10 Garders As Couple Garden Says Ngo Right To Love Pashan Lake Couple Not Allowed

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :pmcPashan