Corona Updates: पुण्यात गेल्या चोवीस तासांत ५८२ जण कोरोनामुक्त

पुणे : पुणे जिल्ह्यात रविवारी (ता.८) दिवसभरात ५२३ नवे कोरोना रुग्ण आढळून आले आहेत. यामध्ये पुणे शहरातील २१७ जणांचा समावेश आहे. रविवारी १ हजार ५९५ कोरोना चाचण्या घेण्यात आल्या आहेत. गेल्या चोवीस तासांत ५८२ जण कोरोनामुक्त झाले आहेत. याशिवाय ११ जणांचा मृत्यू झाला आहे.

यामुळे जिल्ह्यातील एकूण कोरोना रुग्णांची संख्या आता ३ लाख २८ हजार ८९
झाली आहे. यापैकी ३ लाख नऊ हजार ३१० कोरोनामुक्त झाले आहेत. याशिवाय आतापर्यंत ८ हजार ७९ रुग्णांचा मृत्यू झाला आहे. यामध्ये पुणे जिल्ह्याबाहेरील ३७३ रुग्णांचा समावेश आहे.

- Video : बापरे! केवढी ही गर्दी; दिवाळीच्या खरेदीसाठी पुण्यात गर्दी उसळली​

दरम्यान, पिंपरी-चिंचवडमध्ये १२३, जिल्हा परिषद क्षेत्रात ११९, नगरपालिका
क्षेत्रात ४७ आणि कॅंटोन्मेंट बोर्ड क्षेत्रात १७ नवे रुग्ण सापडले आहेत. दिवसभरात मृत्यू झालेल्यांमध्ये पुणे शहरातील ७ जण आहेत. पिंपरी-चिंचवडमधील रविवारी एकाही रुग्णाचा मृत्यू झाला नाही. जिल्हा परिषद कार्यक्षेत्रातील १, नगरपालिका कार्यक्षेत्रातील १ आणि कॅंटोन्मेंट क्षेत्रातील २ रुग्णांचा मृत्यू झाला आहे. नवे कोरोना रुग्ण आणि रुग्णांच्या मृत्यूची संख्या ही शनिवारी (ता.७) रात्री ९ वाजल्यापासून रविवारी (ता.८) रात्री नऊ वाजेपर्यंतची आहे.

- पुणे मार्केट यार्डात अफगाणिस्तानच्या कांद्याची आवक

जिल्ह्यात आतापर्यंत एकूण १४ लाख ६८ हजार ७५० कोरोना चाचण्या घेण्यात
आल्या आहेत. यापैकी पुणे शहरातील ७ लाख ५५ हजार ३०२ चाचण्यांचा समावेश आहे. पिंपरी चिंचवडमध्ये ४ लाख १९ हजार २१६, जिल्हा परिषद कार्यक्षेत्रात २ लाख ११ हजार ७५६, नगरपालिका क्षेत्रात ६४ हजार १२१ आणि कॅंटोन्मेंट क्षेत्रात १८ हजार ३५५ कोरोना चाचण्या घेण्यात आल्या आहेत.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)