- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
पुणे : गेल्या महिनाभरात परदेशांमध्ये प्रवास करणाऱ्या तसेच, येथील हॉटेलमध्ये मुक्‍कामी असलेल्या परदेशी नागरिकांबाबत पर्यटन आणि हॉटेल व्यावसायिकांनी प्रशासनाला कळविण्यात यावे, अशा सूचना देण्यात आल्याची माहिती विभागीय आयुक्‍त डॉ. दीपक म्हैसेकर यांनी दिली. कोरोनाच्या पार्श्वभूमीवर विभागीय आयुक्‍तांनी उपाययोजनांबाबत आढावा घेतला.
डॉ. म्हैसेकर आणि जिल्हाधिकारी नवल किशोर राम यांनी हॉटेल व्यवसायिक, पर्यटन कंपन्यांच्या प्रमुखांशी गुरुवारी संवाद साधला. हॉटेल व्यवसायिकांनी त्यांच्याकडे येणाऱ्या प्रवाशांच्या प्रवासाचा इतिहास जाणून घेतल्यास कोरोना प्रतिबंधाबाबत मदत होणार आहे. त्यामुळे हॉटेल व्यावसायिकांनी याबाबत प्रशासनास सहकार्य करावे. तसेच, सर्व टूर ऑपरेटरनी परदेशातून येणाऱ्या प्रवाशांची माहिती द्यावी. त्यापैकी एखाद्या प्रवाशाला ताप, खोकला असल्यास तातडीने आरोग्य विभागाशी संपर्क साधावा, अशा सूचना जिल्हाधिकारी राम यांनी पर्यटन कंपन्यांच्या प्रमुखांना दिल्या.
या बैठकीस पोलिस आयुक्‍त के. वेंकटेशम, महापालिका आयुक्‍त शेखर गायकवाड, श्रावण हर्डीकर, अधिष्ठाता डॉ. अजय चंदनवाले, आरोग्य उपसंचालक डॉ. संजय देशमुख, महापालिका आरोग्य प्रमुख डॉ. रामचंद्र हंकारे यांच्यासह हॉटेल व्यावसायिक, पर्यटन कंपन्यांचे प्रमुख आणि प्रशासकीय विभागाचे प्रमुख उपस्थित होते.
घाबरू नका, सावध रहा, लक्षणे दिसल्यास उपचार घ्या
शहरात आढळून आलेल्या कोरोनाबाधित रुग्णांची प्रकृती स्थिर असून, त्यांना निरीक्षणाखाली ठेवण्यात आले आहे. या पार्श्वभूमीवर नागरिकांनी भीती बाळगण्याची आवश्‍यकता नाही. आरोग्य विभागासह प्रशासनाकडून आवश्‍यक खबरदारी घेण्यात येत आहे. घाबरू नका, सावध रहा आणि लक्षणे दिसल्यास उपचार घ्या, असे आवाहन विभागीय आयुक्‍त डॉ. म्हैसेकर यांनी केले.
जगातील 118 देशांमध्ये कोरोना आजार आढळला आहे. त्यामुळे याबाबत प्रत्येकाने खबरदारी घेणे आवश्‍यक आहे. प्रशासकीय यंत्रणेनेच जनजागृतीचे कार्य व्यापक प्रमाणात हाती घेण्यात यावे. बस स्टॅंड, होर्डींग्ज्‌, दूरदर्शन, रेडिओ या माध्यमांचा जनजागृतीसाठी प्रभावीपणे वापर करावा, अशा सूचना त्यांनी दिल्या.
हे करा -
- करोना विषाणूचा प्रसार प्रामुख्याने हवेद्वारे, शिंकणे, खोकणे, हस्तांदोलन या कारणांमुळे होतो.
- तो टाळण्यासाठी हात साबणाने स्वच्छ धुवावेत.
- शिंकताना, खोकतांना नाक आणि तोंडावर रुमाल धरावा.
- नागरिकांनी गर्दीच्या ठिकाणी जाणे टाळावे.
- खोकणाऱ्या, शिंकणाऱ्या व्यक्तीपासून तीन फूट अंतर ठेवावे.
- नागरिकांनी कोणत्याही अफवांना बळी पडू नये.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.