Pune Govar Outbreak: पुणे शहरात गोवरचा उद्रेक! एकाच दिवशी आढळले ११ बाधित बालकं

पुणे : देशासह मुंबईत थैमान घातलेल्या गोवरच्या आजाराचा आता पुण्यातही उद्रेक पहायला मिळाला आहे. कारण एकाच दिवशी शहरात ११ बाधित रुग्ण आढळून आले आहेत. यामध्ये एकाच भागातून सर्वाधिक गोवरचे रुग्ण आढळून आले आहेत. (Pune Govar Outbreak 11 infected children were found on a day)

आरोग्य विभागाच्या माहितीनुसार, पुण्यातील एकाच भागातून सर्वाधिक गोवरच्या रुग्णांची संख्या आढळून आली आहे. शहरातील भवानी पेठेत ११ बालकांना गोवरची लागण झाली आहे. तर संपूर्ण पुणे शहरात आत्तापर्यंत ३१४ संशयित रुग्ण आढळून आले आहेत.

भवानी पेठ हा पुण्यातील मध्यवर्ती आणि दाट लोकवस्तीचा भाग आहे. कोविड काळात देखील याच भागात सर्वाधिक रुग्णांची नोंद होत होती. गोवर हा देखील संसर्गजन्य आजार असल्यानं अशा दाट वस्तीत या रोगाचा फैलाव लवकर होण्याची शक्यता असते, अशी माहिती आयएमएचे माजी अध्यक्ष डॉ. अविनाश भोंडवे यांनी दिली.

हे ही वाचा : संयुक्त नावावरील गृहकर्जातून होईल प्राप्तीकराची बचत...

दरम्यान, गोवरच्या या उद्रेकाच्या पार्श्वभूमीवर पुणेकरांनी कुटुंबातील ९ महिने ते ५ वर्षापर्यंत वयोगटातील बालकांना गोवरची लस तातडीने द्यावी, असं आवाहन आरोग्य विभागाकडून करण्यात आलं आहे.