पुणे : डीएसकेंची आणखी एक आलिशान कार पोलिसांनी केली जप्त!

पुणे : ठेवीदारांच्या फसवणुकीप्रकरणी कारागृहात असलेल्या बांधकाम व्यावसायिक डी.एस.कुलकर्णी (डीएसके) यांच्या काही वाहनांचा 15 दिवसांपूर्वी लिलाव झाला होता. तसेच अजून काही गाड्यांचा लिलाव होणे बाकी असतांना आर्थिक गुन्हे शाखेने डीएसकेंची विदेशी बनावटीची आणखी एक आलिशान कार मुंबईतून जप्त केली आहे.

- ताज्या बातम्यांसाठी डाऊनलोड करा ई-सकाळचे ऍप

आर्थिक गुन्हे शाखेच्या पोलिसांनी डीएसके, त्यांचे कुटुंबीय व कंपनीच्या नावे असणाऱ्या 46 वाहनांपैकी 19 चारचाकी वाहने व एक महागडी दुचाकी जप्त केली होती. दरम्यान, न्यायालयाच्या आदेशानुसार, 15 फेब्रुवारीला डिएसकेंच्या सहा गाड्यांचा लिलाव करण्यात आला. लिलावामध्ये या सहा गाड्यांसाठी 39 लाख 45 हजार रुपये इतकी किंमत मिळाली होती.

- आपण औरंगजेबाचे वंशज नाही, तांत्रिक अडचणी दूर करून औरंगाबादचे नाव बदला

दरम्यान, आरोपीच्या नावे विदेशी बनावटीची वाहने असल्याचे निष्पन्न झाले होते. मात्र संबंधीत गाड्या अद्याप पोलिसांना प्राप्त झाल्या नव्हत्या. या गाड्या पोलिसांना मिळाव्यात, यासाठी पोलिसांनी संबंधीत गाड्या या सर्व्हिसींग व अन्य कामांसाठी कामाकरीता अधिकृत सर्व्हिसींग सेंटरला येण्याची शक्‍यता लक्षात घेऊन टोयाटोच्या सर्व सर्व्हिसींग सेंटरला, त्याबाबत माहिती कळविण्यास सांगितले होते.

- INDvsNZ: 'या' फास्ट बॉलरचा विराट कोहली ठरलाय 'बकरा'!

त्याप्रमाणे लॅंड क्रुझर (एमएच 12 एमजे 9999) हे वाहन मुंबई येथील रे रोडवरील मधुबन टोयटा या सर्व्हिस सेंटरला आल्याची खबर पोलिसांना मिळाली. त्यानुसार, आर्थिक गुन्हे शाखेचे सहाय्यक पोलिस आयुक्त डॉ.शिवाजी पवार यांच्या मार्गदर्शनाखाली सहाय्यक पोलिस निरीक्षक सुनील गवळी यांच्या पथकाने ताब्यात घेतली. 

- पुणे : 'स्वराज्य' निर्मितीतील तानाजी मालुसरेंचे बलिदान हे...