Pune Vande Bharat Accident : सिद्धेश्वर, उद्यानसह दक्षिण भारताकडे जाणाऱ्या गाड्यांना मोठा फटका! वंदे भारत दुर्घटनेनंतर रेल्वे विस्कळीत, 7 तास उशिरा गाड्या

Pune Vande Bharat Accident : मुंबई-सोलापूर वंदे भारत एक्सप्रेसला सोमवारी (ता. २७) सायंकाळी पुणे रेल्वे स्थानकाजवळ किरकोळ अपघात झाल्याने रेल्वे वाहतुकीवर मोठा परिणाम झाला (Solapur train delays after Pune railway accident) आहे. पुणे स्टेशनच्या प्लॅटफॉर्म क्रमांक ३ वर येत असताना वंदे भारत एक्सप्रेसचा एक डबा रुळावरून घसरला. सुदैवाने या दुर्घटनेत कोणतीही जीवितहानी झाली नाही; मात्र रेल्वेचे वेळापत्रक पूर्णपणे विस्कळीत झाले आहे.