Pune : महापालिकेच्या डंपरच्या धडकेने तरुणाचा मृत्यू

पुणे - महापालिकेच्या कचरा वाहतूक करणाऱ्या डंपरने धडक दिल्यामुळे एका दुचाकीस्वार तरुणाचा मृत्यू झाल्याची घटना नगर रस्त्यावरील खराडी येथील पठारेनगर परिसरात घडली.अशोक नवनाथ दराडे (वय २५, रा. वाघोली) असे मृत्युमुखी पडलेल्या तरुणाचे नाव आहे. या प्रकरणी चंदननगर पोलिसांनी अज्ञात डंपरचालकाविरुद्ध गुन्हा दाखल केला आहे.

या संदर्भात प्रदीप ज्ञानदेव घुगे (वय १९, रा. वाघोली) यांनी चंदननगर पोलिस ठाण्यात फिर्याद दिली आहे. प्रदीप यांचा आतेभाऊ अशोक दराडे हा खराडी भागातून दुचाकीवरून जात होता. त्यावेळी महापालिकेच्या भरधाव डंपरने अशोक दराडे याला पाठीमागून धडक दिली. या अपघातात गंभीर जखमी झाल्याने दराडे याचा मृत्यू झाला. अपघातानंतर डंपरचालक पसार झाला आहे.