पंखा, फ्रीज, गॅस बर्नर खराब झालाय? लॉकडाऊनमध्ये घरबसल्या 'अशी' करा होम अप्लायन्सची दुरुस्ती!

पुणे : लॉकडाऊन दरम्यान घरातील उपकरणे बंद पडल्यास ग्राहकांकडे त्यांच्या दुरुस्तीची सोय उपलब्ध नाही आणि यामुळेच त्यांना विविध अडचणींचा सामना करावा लागत आहे.

- ताज्या बातम्यांसाठी डाऊनलोड करा ई-सकाळचे ऍप

ग्राहकांची होणारी ही गैरसोय लक्षात घेऊन २४x७ अराउंड या अग्रगण्य उपकरण सेवा पुरवठादार कंपनीने राष्ट्रीय व्हिडिओ हेल्पलाइन सुरु केली आहे. याद्वारे कंपनीचे घरून काम करणारे तंत्रज्ञ ग्राहकांना व्हॉट्सअप तसेच गूगल मीट व्हिडिओद्वारे मदतीसाठी तात्काळ उपलब्ध असतील. उपकरणांच्या दुरुस्तीकरिता ते ग्राहकांना मार्गदर्शन करतील. ही सुविधा विनामूल्य असून ग्राहकांना ९५५५०००२४७ या क्रमांकावर संपर्क साधून या सुविधेचा लाभ घेता येईल. 

- शेतकरी आणि कष्टकऱ्यांसाठी कामगार दिनी होणार आगळेवेगळे उपोषण; जाणून घ्या!

लॉकडाऊन असल्यामुळे बिघडलेली उपकरणे दुरुस्त करण्यासाठी बाहेर नेणे शक्य नाही. तसेच तंत्रज्ञ ही घरी येऊ शकत नाहीत. त्यामुळे २४x७अराउंडची ही सुविधा ग्राहकांकरिता उपयुक्त ठरत आहे. कंपनीचे तंत्रज्ञ (टेक्निशिअन्स) उच्च प्रतीचे कौशल्यप्राप्त, अनुभवी आणि तंत्राचे दुरून निदान करण्यात प्रशिक्षित आहेत.

या तंत्रज्ञांच्या साहाय्याने ग्राहकांना रेफ्रिजरेटर, वॉटर प्युरिफायर्स, एसी, वॉशिंग मशीन, गॅस बर्नर इत्यादी उपकरणे दुरुस्त करण्याकरिता ऑनलाईन मार्गदर्शन केले जाईल.

- Big Breaking : विद्यापीठाच्या परीक्षांची तारीख ठरली; 'यूजीसीने नवी नियमावली केली जाहीर!

या सुविधेमागील उद्देश स्पष्ट करताना २४x७ अराउंडचे सीईओ आणि सहसंस्थापक श्री नितीन मल्होत्रा म्हणाले, ‘या क्षेत्राला दर ३० दिवसात २५ दशलक्ष इलेक्ट्रॉनिक उत्पादने दुरूस्त करण्याची मागणी असते. त्यामुळे सध्या अनेक लोक त्रस्त आहेत. यापैकी गॅस बर्नर, वॉटर प्युरिफायर, एसी, वॉशिंग मशीन आणि डिशवॉशर ही लोकप्रिय उपकरणे आम्ही ऑनलाइन दुरूस्त करत आहोत. व्हिडिओद्वारे दुरुस्तीचे प्रमाण सध्या २५ ते ३० टक्के आहे. आम्ही काही प्रमाणात ग्राहकांची अडचण दूर करण्यात सक्षम ठरत आहोत याचे आम्हाला समाधान आहे.'

- 'इथं शहर कोरोनाविरुद्ध लढतंय अन् तुम्ही शहर सुशोभिकरणाची टेंडर काढताय' : खा. चव्हाण