- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
कोरेगाव भीमा : नगर रस्त्यावरील औद्योगिक क्षेत्रात मोठी ग्रामपंचायत असलेल्या सणसवाडी (ता. शिरुर) ग्रामपंचायतीच्या सरपंच, उपसरपंचांनी वृक्षाराेपण, पर्यावरण संवर्धन व महिला सक्षमीकरणासह विविध सामाजिक संदेश देत व कोरोनाचे नियम पाळत बैलगाडीतून ग्रामपंचायत कार्यालयात जात पदभार स्विकारला.
राज्यस्तरीय वनराई पुरस्काराने गौरविलेल्या तसेच जिल्ह्यात औद्योगिकरणासह सामाजिक उपक्रमांमध्येही अग्रेसर असलेल्या सणसवाडी ग्रामपंचायतीत एकूण १७ सदस्यसंख्या आहे. येथील सरपंचपदी सौ. सुनंदा नवनाथ दरेकर यांची तर उपसरपंचपदी अॅड विजयराज दरेकर यांची नुकतीच बिनविरोध निवड झाली आहे.
सरपंच सुनंदा दरेकर व उपसरपंच विजयराज दरेकर तसेच ग्रामपंचायत सदस्य राजुअण्णा दरेकर, दत्तात्रय हरगुडे, सागर दरेकर, अक्षय कानडे, रुपाली दरेकर, सुवर्णा दरेकर, संगीता हरगुडे, स्नेहल भुजबळ, शशिकला सातपुते आदी नवनिर्वाचित ग्रामपंचयात सदस्यांनी पदभार स्विकारण्यासाठी ग्रामपंचायत कार्यालयात जाताना ‘झाडे लावा झाडे जगवा, स्वच्छता पाळा, मास्क सॅनिटायझरचा वापर करा’ यासारखे समाज प्रबोधनपर फलक लावलेल्या बैलगाडीतून जात जनजागृतीबरोबरच जुनी परंपराही जपली. यावेळी ग्रामविकास अधिकारी बाळनाथ पवने यांनी नवनिर्वाचीत सरपंच व उपसरपंचांना पदभार दिला.
दरम्यान, शिरूर पंचायत समितीचे माजी उपसभापती आनंदराव हरगुडे, जिल्हा नियोजनच मंडळाचे सदस्य पंडित दरेकर, माजी उपसरपंच युवराज दरेकर, बाबासाहेब दरेकर, मनसे नेते रामदास दरेकर, माजी सरपंच रमेश सातपुते, सोसायटीचे गोरख दरेकर, गोरखनाना भुजबळ आदी उपस्थित होते.
सामाजिक जनजागृती व परंपरा जपण्यासाठीच
केला बैलगाडीतून प्रवास-जुन्या परंपरांची जपणुक तसेच कारखानदारी असूनही वृक्षारोपण व संवर्धनामुळे राज्यस्तरीय वनराई पुरस्काराने झालेला गौरव, त्यांसाठी पर्यावरण संवर्धनाचा संदेश, तसेच सध्या काेरोनाप्रतिबंधक उपाययोजनांबाबत जानजागृती, तसेच आगामी महीलादिनाच्या पार्श्वभुमीवर बेटी बचाव व महीला सक्षमीकरणाबाबत संदेश देत नागरिकांमध्ये जनजागृती करण्यासाठीच बैलगाडीतून गेल्याचे सरपंच सुनंदा नवनाथ दरेकर व उपसरपंच अॅड. विजयराज दरेकर यांनी सांगितले.
(संपादन : सागर डी. शेलार)
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.