श्रीशिवछत्रपती क्रिडा अवॉर्ड विजेते महेश मते यांचे निधन

खडकवासला (पुणे) : येथील महेश शहाजीराव मते (वय ५४) यांचे हृदयविकाराने आज शनिवारी निधन झाले. दोन दिवसांपूर्वी त्यांना हृदयविकाराचा झटका आला होता. त्यामुळे त्यांना पुण्यातील खासगी रुग्णालयात दाखल केले होते. उपचार सुरू असताना त्याचा आज मृत्यू झाला. त्यांच्या मागे पत्नी, मुलगा, मुलगी आई, वडील, दोन सख्खे भाऊ नातवंड असा परिवार आहे. 

डॉ. अमोल कोल्हे म्हणतात, कोरोना आपल्यासोबत राहणार... 

खडकवासला येथील सरपंच सौरभ मते हे त्यांचे चुलत भाऊ होत. त्यांना कुस्ती व ज्यूदो खेळाची खूप आवड होती. 1987मध्ये खडकवासला गावचे ते सरपंच होते.
ज्यूदो क्रीडा प्रकारामध्ये 1985-86 साली राज्य सरकारने क्रीडा विभागातील मानाचा श्रीशिवछत्रपती क्रिडा अवॉर्ड मिळाला होता.

अरे बापरे ! पुण्यातील `या` शाळेने राज्य सरकारच्या आदेशाला दाखविली केराची टोपली

संजय गव्हाणे यांच्याकडे त्यांनी ज्यूदोचे शिक्षण घेतले. त्यांचे वडील शहाजीराव मते हे खडकवासला गावातील तंटामुक्ती समितीचे पहिले अध्यक्ष होते. त्यांनी तीन चार वर्षांपूर्वी खडकवासला येथे ज्यूदो खेळाचा हॉल उभारला आहे. त्यात सध्या ४० जण ज्यूदोचे प्रशिक्षण देत होते.

पुण्याच्या इतर बातम्या वाचण्यासाठी येथे- क्लिक करा

वडगाव बुद्रुकचे योगेश दांगट हा त्यांचा शिष्य त्याला देखील 2005- 06मध्ये श्रीशिवछत्रपती क्रिडा अवॉर्ड विजेता होण्यास त्यांचा मोठा हातभार होता. हवेली तालुक्यात 100 हून अधिक जणांना त्यांनी ज्यूदो, कुस्ती मधील राष्ट्रीय खेळाडू घडविले. खेळ, राजकारणासह ते प्रगतशील शेतकरी व उद्योजक होते. खडकवासला परिसरात त्यांनी 2003 पासून पॉली हाऊस उभारून जरबेरा, अंथेरीयमसह अनेक फुला- फळांची आधुनिक शेती करीत होते. तसेच, खडकवासला परिसरात त्यांनी पेट्रोल डिझेल पंप सुरू केला होता. कोरोनाच्या पार्श्वभूमीवर मोजक्या नातेवाईकांच्या उपस्थितीत त्यांच्यावर खडकवासला स्मशानभूमीत अंत्यसंस्कार करण्यात आले.