वालचंदनगर : भवानीनगर (ता.इंदापूर) येथील श्री छत्रपती सहकारी साखर कारखान्याने (Sugar Factory) चालू वर्षीच्या गळीत हंगामामध्ये ७३ दिवसामध्ये ५ लाख मेट्रीक टन उस गाळपाचा टप्पा पूर्ण केल्याची माहिती कारखान्याचे अध्यक्ष प्रशांत काटे यांनी दिली.
छत्रपती सहकारी साखर कारखान्याचा गळीत हंगाम २४ ऑक्टोबर २०२१ रोजी सुरु झाला आहे. कारखान्याने ७३ दिवसामध्ये ५ लाख मेट्रीक टन उस गाळपाचा टप्पा पूर्ण केला असून ५ लाख ४ हजार क्विंटल साखरेची निर्मिती केली आहे. तसेच सहवीज निर्मिती प्रकल्पातून २ कोटी १९ लाख ९३ हजार युनिटची निर्मिती केली असून यातील १ कोटी ४६ लाख ३५ हजार युनिट महावितरणला निर्यात केली आहे.
चालू वर्षीच्या साखरेच्या उताऱ्यामध्ये (रिकव्हरी) गेेल्या वर्षीच्या तुलनेमध्ये वाढ होत आहे. छत्रपती कारखान्याच्या दोन्ही युनिटची गाळप क्षमता ६५०० मेट्रीक टन प्रतिदिन आहे. मात्र कारखाना सरासरी प्रतिदिन ८५०० मेट्रीक टन उसाचे गाळप करीत असून कारखान्याने एका दिवसामध्ये ९२२२ मेट्रीक टन उच्चांकी गाळप केले होते.
साखरेच्या उताऱ्यामध्ये होत आहेे वाढ...
गेल्यावर्षीच्या गळीत हंगामामध्ये जानेवारी महिन्यामध्ये साखरेचा उतारा १०.८६ होता.चालू गळीत हंगामामध्ये यामध्ये वाढ होवू लागली असून जानेवारीमध्ये साखरेचा उतारा ११.२३ मिळत आहेत. तसेच गेल्या वर्षीच्या तुलनेमध्ये जानेवारीच्या सरासरी साखरेच्या उताऱ्यामध्येही वाढ होत असून आत्तपर्यंत ०.३५ उतारा वाढला असून १०.५० वरती पोहचला आहे.
सन २०१९-२० च्या गळीत हंगामामध्ये साखरेचा उतारा १०.४५ होता. सन २०२०-२१ च्या गळीत हंगामाध्ये साखरेचा उताऱ्यामध्ये ०.४५ टक्यांनी वाढ होवून १०.९० झाला.यामुळे २०२१-२२ ची च्या एफआरपी च्या रक्कमेमध्ये १२० रुपयांनी वाढ होवून २५१३ रुपये प्रतिटन झाली आहे. या गळीत हंगामामध्ये साखरेचा उतारा वाढत असल्याने पुढील वर्षाची एफआरपीच्या रक्कमेमध्ये वाढ होणार असल्याने सभासदांना वाढीव दर मिळण्याची अपेक्षा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
