पुणे : सोनसाखळी मिळाली नाही म्हणून मोबाईल चोरण्याचा केला प्रयत्न पण...

पुणे : दुचाकीवरुन आलेल्या चोरट्याने रस्ता ओलांडणाऱ्या पादचाऱ्याच्या गळ्यातील सोनसाखळी हिसकावण्याचा प्रयत्न केला. मात्र पादचाऱ्याकडे सोनसाखळीच नसल्याचे लक्षात आल्यानंतर चोरट्याने त्यांच्या खिशात हात घालून मोबाईल चोरण्याचा प्रयत्न केला.

- ताज्या बातम्यांसाठी डाऊनलोड करा ई-सकाळचे ऍप

परंतु प्रसंगावधान दाखवत पादचाऱ्याने चोरट्याच्या हाताला पकडले, त्यामुळे तो खाली पडला. त्याचा दुचाकी चालविणारा साथीदार पळून गेला. इकडे चोरटा मात्र पोलिसांच्या जाळ्यात अडकला. बुधवारी (ता.२६) रात्री पावणे दहा वाजता हा प्रकार शनिवारवाड्यासमोर घडला. 

- ... तर आयपीएल खेळू नका; कपिल देव यांचा टीम इंडियाला कानमंत्र!

अर्शद सलीम शेख (वय 20) असे अटक केलेल्या चोरट्याचे नाव आहे. त्याच्यासह त्याच्या साथीदाराविरुद्ध गुन्हा दाखल करण्यात आला आहे. याप्रकरणी अनिकेत धस (वय 38, रा. गणेश पेठ) यांनी फरासखाना पोलीस ठाण्यात फिर्याद दिली. पोलिसांनी दिलेल्या माहितीनुसार, शेख कसबा पेठेतील अग्निशमन केंद्राजवळून रात्री पावणे दहा वाजता जात होते. ते रस्ता ओलांडत असताना दुचाकीवरील चोरटे त्यांच्या दिशेने आले.

- पुणे : ते म्हणाले, 'आवाज वाढव डीजे' अन् मग बाउन्सरने...

दुचाकीवर पाठीमागे शेख बसलेला होता. त्याने धस यांच्या गळ्यातील सोनसाखळी चोरण्याचा प्रयत्न केला. परंतु धस यांनी सोनसाखळी घातली नसल्याचे लक्षात आल्यानंतर त्याने त्यांच्या शर्टच्या खिशामध्ये हात घालून जबरदस्तीने मोबाईल चोरण्याचा प्रयत्न केला. त्याचवेळी धस यांनी शेखचा हात पकडून त्यास खाली खेचले. त्यामुळे शेखचा तोल जाऊन तो दुचाकीवरुन खाली पडला.

- पुणेकरांनो, 'हा' रस्ता दुहेरी वाहतुकीसाठी खुला; वाहतूक पोलिसांचा 'ग्रीन सिग्नल'!

या प्रकारामुळे गडबडलेल्या शेखच्या साथीदाराने दुचाकीवरुन धूम ठोकली. परंतु शेख धस यांच्या हाती लागला. तेवढ्यात हा प्रकार पाहणारे नागरिकही धस यांच्या मदतीला धावून आले. त्यांनी शेखला पकडून ठेवून पोलिसांशी संपर्क साधला. या घटनेनंतर घटनास्थळी दाखल झालेल्या पोलिसांनी शेख यास ताब्यात घेतले.