पाटस ःपाटस (ता. दौंड) येथे घरात आईसह सात वर्षाच्या मुलाचा छताला गळफास लावलेल्या अवस्थेत मृतदेह आढळून आल्याने एकच खळबळ उडाली आहे. मंगळवारी (ता.२७) सकाळी साडेसहा वाजता हा प्रकार उघड झाला. लिना सचिन सोनवणे (वय ३५) व ओम सचिन सोनवणे (वय ७) (रा. पाटस, ता. दौंड, जि. पुणे) अशी मृतांची नावे आहेत. सदर आत्महत्या आहे का हत्या या बाबत नातेवाईकांमध्ये संभ्रम निर्माण झाला आहे. ही हत्या आहे, असा संशय नातेवाईकांनी घेतला आहे. मात्र शवविच्छेदन अहवाल आल्यानंतर हे स्पष्ट होईल असे पोलिसांनी सांगितले.
लिना सोनवणे या आपला मुलगा ओम व मुलगी वैष्णवी यांच्या सोबत पाटस येथील एका अपार्टमेंटमध्ये राहत होत्या. सकाळी साडेसहा वाजता मुलगी वैष्णवी झोपेतून उठली. त्यावेळी तिला आई लिना व भाऊ ओम हे छताच्या पंख्याला गळफास घेतलेल्या अवस्थेत निर्दशनास आले. तिने फोन करुन तत्काळ जवळच्या नातेवाईकांना सांगितले. त्यांनी सदर ठिकाणी धाव घेऊन पाहणी केली. माहिती मिळताच दौंड उपविभागीय अधिकारी राहुल धस, यवत पोलिस ठाण्याचे पोलिस निरीक्षक भाऊसाहेब पाटील, पोलिस उपनिरीक्षक सचिन नागरगोजे, उपनिरीक्षक रामभाऊ घाडगे, साहय्यक पोलिस फौजदार सागर चव्हाण, हवालदार प्रदिप काळे, पोलिस नाईक विजय भापकर आदींनी घटनास्थळी धाव घेतली. घराची सर्वत्र बारकाईने पाहणी केली. या घटने बाबत आत्महत्या कि हत्या असा संभ्रम निर्माण झाला आहे. मात्र,पोलिसांनी शवविच्छेदन अहवाल आल्यानंतरच हे स्पष्ट होइल असे सांगितले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.