खडकवासला : पुणे-पानशेत रस्त्यावर रविवारी (ता.5) सायंकाळी खानापूरजवळच्या वळणावर झालेल्या अपघातात दुचाकीवरील दोन युवकांचा मृत्यू झाला. हे दोघेही खडकवासला येथील स्थानिक रहिवासी असल्याने या घटनेमुळे परिसरात शांतता पसरली आहे.
प्रथमेश रामदास मते (वय 22, रा.खडकवासला) व अक्षय धनंजय जोरी (वय 22, रा.खडकवासला) असे मृत्यू झालेल्या तरुणांची नावे आहेत. हवेली पोलिस ठाण्याचे सहायक पोलिस निरीक्षक नितीन नम यांनी सांगितले.
खानापूर गावाच्या पुढे मणेरवाडी गावच्या हद्दीत शांतीवन रिसॉर्टच्या वळणावर रविवारी संध्याकाळी हा अपघात झाला.
पोलिस अधिकारी नितीन नम यांना मिळालेल्या प्राथमिक माहितीनुसार, हे दोघे युवक दुचाकीवरून पुण्याच्या दिशेला येत होते. या वळणावर रस्त्यात एक कार बंद पडली होती, तर समोरून एसटी येत होती.
दुचाकीवर असलेल्या युवकांना बंद पडलेल्या कारला ओव्हरटेक करून जाण्यास जागा नव्हती. त्यातही एसटी चालकाने गाडी बाजूला घेतली. मात्र, तेवढ्यात दुचाकीने बंद कारला धडक दिली. आणि दुचाकीवरील दोघेजण रस्त्यावर जोरात आपटले. त्या दोघांना तातडीने रुग्णालयात उपचारासाठी नेण्यात आले होते. मात्र, त्यापूर्वीच त्यांचा मृत्यू झाला होता.
अपघात नेमका कसा घडला? याबाबत अधिक माहिती मिळविण्याचे प्रयत्न पोलिसांच्या वतीने सुरू आहेत, अशी माहिती पोलिस निरीक्षक अशोक शेळके यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.