पुणे : अवकाळी पावसामुळे जमिनीखालील अनेक सर्प बाहेर येत असतात. असाच एक शहराच्या दृष्टीने दुर्मिळ असलेला खापरखवल्या साप कर्वेनगर येथील शहीद मेजर प्रताप ताथवडे उद्यानात आढळला आहे. धामणपेक्षा अत्यंत संथ गतीने हालचाली करणारा हा साप नितीन कंधारे यांना सापडला. त्यांनी प्राणीमित्र प्रणेती खर्डेकर यांच्याकडे आणले. त्यांनी कंधारे यांच्या मदतीने खापरखवल्या सापाला निसर्गात सोडून दिले.
खर्डेकर म्हणाल्या, "सदर साप हा बिनविषारी असून पावसाळ्यात आढळतो. खापरखवल्या सापाला युरोपेल्टीस असे शास्त्रीय नाव आहे. शहराच्या मध्यवर्ती भागात आढळल्याने निश्चितच ही दुर्मिळ गोष्ट आहे. या काळात साप बाहेर पडणे स्वाभाविक असून नागरिकांनी घाबरून न जाता नजीकच्या सर्पमित्राला बोलावून घ्यावे.'' खर्डेकर यांनी त्या सापाचे छायाचित्र काढले.
खापरखवल्या सापाचे वैशिष्ट्य :
- भारतात आढळणारी बिनविषारी सापाची प्रजाती
- सामान्यतः जमिनीखाली राहतो. गांडुळ, मुंग्या, कीटकांना खातो.
- पश्चिम घाटात जास्त आढळतो.
- जमीन भुसभुशीत ठेवणे, मुंग्यांसह जमिनीतील इतर कीटकांची संख्या मर्यादित ठेवणे, नायट्रोजनचे स्थिरिकरणामध्ये महत्त्वपूर्ण भूमिका बजावतो.
- पुण्याच्या बातम्या वाचण्यासाठी येथे ► क्लिक करा
(Edited by : Ashish N. Kadam)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
