पुणेकरांसाठी महत्त्वाची बातमी : उद्या शहरातील निम्या भागात पाणी पुरवठा राहणार बंद

सिंहगड रस्ता : अचानक उद्भवलेल्या दुरुस्तीसाठी उद्या (ता. 26) निम्या पुणे शहराचा पाणी पुरवठा बंद राहणार आहे. पर्वती जलकेंद्र, वडगाव जलकेंद्र आणि नवीन लष्कर जलकेंद्र अखत्यारीतील तीन
हजार मिमी व्यासाच्या रॉ वॉटर पाइपलाइनची दुरुस्ती करायची असल्याने पुणे शहराच्या काही भागाचा पाणी पुरवठा बंद ठेवण्यात येणार आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

पर्वती जलशुद्धीकरण केंद्रास तीन हजार मिमी व्यासाची पाइपलाइन फुटली. त्याची दुरुस्ती करण्यासाठी २६ सप्टेंबरला सकाळी नऊ ते रात्री नऊ दरम्यान होणारा पाणी पुरवठा बंद राहणार आहे, अशी माहिती पाणी पुरवठा विभागाच्या वतीने देण्यात आली आहे.
सिंहगड रस्ता परिसरातील पर्वती जलशुद्धीकरण केंद्राच्या पाठीमागे रोहन कृतिका सोसायटीच्या मागील भागात असलेल्या रस्त्याचे काम सुरू आहे. या रस्त्याच्या
कामात जलशुद्धीकरण केंद्रात येणारा पाईप फुटला आहे. त्यामुळे त्याची दुरुस्ती करावी लागणार आहे. त्याचे काम उद्या सुरू राहणार असून २७ तारखेला पाणीपुरवठा नियमित होणार आहे.

Video : अजित पवार यांनी पुण्यातील मेट्रोचे काम वेळेत पूर्ण करण्याच्या दिल्या सूचना

खालील जलकेंद्रांतर्गत पाणीपुरवठा बंद राहणार आहे.

लष्कर जलकेंद्र अंतर्गत
कोंढवा, हडपसर, महमदवाडी, काळेपडळ, मुंढवा, केशवनगर, सोलापूर रस्ता, गोंधळेनगर, सातववाडी, हांडेवाडी रस्ता, फुरसुंगी, फातिमानगर, एन. आय. बी. एम, संपूर्ण घोरपडी, बी. टी. कवडे रस्ता, भीमनगर, हडपसर औद्योगिक भाग, वैदुवाडी, रामटेकडी, शिवनेरी नगर, मीठानगर, कोंढवा गावठाण, भाग्योदय नगर इत्यादी.

बंडगार्डन जलकेंद्र अंतर्गत- खराडी आणि चंदन नगर.

पर्वती जलकेंद्रांतर्गत बिबवेवाडी संपूर्ण परिसर, डायस प्लाॅट परिसर, मार्केटयार्ड परिसर, गुलटेकडी परिसर, सहकार नगर परिसर, भवानी पेठ, नाना पेठ, गंज पेठ, महात्मा फुले पेठ, घोरपडी पेठ, मुकुंद नगर, सॅलिसबरी पार्क, महर्षी नगर परिसर, पद्मावती, इंदीरानगर, बालाजी नगर, शिवदर्शन परिसर, तळजाई वसाहत, संभाजी नगर, चव्हाण नगर, धनकवडी, गुलाबनगर, इत्यादी.

काळजी घ्या, तुम्ही कोरोनावर मात करून लवकरच बरे व्हाल !

वडगाव जलकेंद्र अंतर्गत - हिंगणे, आनंदनगर, वडगाव, धायरी, आंबेगाव पठार, दत्तनगर, कात्रज, भारती विद्यापीठ परिसर, धनकवडी, कोंढवा बु. इत्यादी.

एसएनडीटी पंपिंग अंतर्गत 
शिवाजी नगर, सुतारदरा, किष्किंधा नगर,
कोथरुड, गोखले नगर, शास्त्रीनगर, पांडव नगर, रेव्हेन्यू कॉलनी, आपटे रस्ता, घुले रस्ता, इत्यादी. या भागात उद्या पाणी पुरवठा होणार नाही. २७ तारखेला नियमित पाणीपरवठा होईल.