Ajit Pawar: पार्थ पवारांचा दारुण पराभव करणाऱ्या बारणेंच्या प्रचाराला अजित पवार!

Ajit Pawar: राज्यासह देशभरात निवडणुकीचे वारे वाहु लागले आहे. निवडणुका तोंडावर असतानाच प्रचार, सभा, बैठका मोठ्या प्रमाणावर सुरू झाल्या आहेत. अशातच महायुतीसोबत गेलेले अजित पवार हे त्यांच्या सुपुत्रांचा पराभव करणाऱ्या श्रीरंग बारणे यांच्या प्रचाराला जाणार का अशा चर्चा सुरू होत्या. मात्र, आता श्रीरंग बारणे यांचा प्रचार करताना दिसून येण्याची शक्यता आहे.

गेल्या निवडणुकीत अजित पवार यांचे सुपुत्र पार्थ पवार यांचा श्रीरंग बारणे यांनी मोठ्या मताधिक्याने पराभव केला होता, अजित पवारांसाठी ती निवडणुक मोठ्या प्रतिष्ठेची आणि महत्त्वाची होती. त्यामध्ये बारणे यांनी पार्थ पवारांचा पराभव केला. आता तेच विद्यमान खासदार श्रीरंग बारणे हे महायुतीचे मावळचे उमेदवार आहेत. अजित पवारांचा राष्ट्रवादी काँग्रेस पक्ष हा महायुतीचा एक भाग आहे, त्यामुळे अजित पवार बारणेंच्या प्रचाराला हजेरी लावण्याची शक्यता आहे.

दरम्यान आज(सोमवारी) उपमुख्यमंत्री अजित पवार, मंत्री चंद्रकांत पाटील व उदय सामंत यांच्या उपस्थितीत मावळ लोकसभा महायुती समन्वय बैठक आयोजित करण्यात आली आहे. दरम्यान पार्थ पवार यांचा दारूण पराभव करणाऱ्या श्रीरंग बारणे यांच्या प्रचाराला अजित पवार जाणार असल्याच्या चर्चा राजकीय वर्तुळात रंगल्या आहेत.

मावळ मतदारसंघातून महायुतीचे उमेदवार श्रीरंग बारणे विरूध्द शिवसेना उध्दव ठाकरे पक्षाचे संजोग वाघेरे यांच्यात थेट लढत होणार आहे. दोन टर्म खासदार राहिलेल्या श्रीरंग बारणे यांच्या विजयासाठी महायुतीने जोरदार तयारी सुरू केली आहे. अशातच या मतदारसंघात अजित पवार, चंद्रकांत पाटील यांच्यासह काही महत्त्वाच्या नेत्यांनी यासंबधी बैठकांचे नियोजन केले आहे.

तर दुसरीकडे पहिल्यांदाच लोकसभेची संधी मिळालेले संजोग वाघेरे यांनी देखील काही दिवसांपासून मतदारसंघात प्रचारास सुरूवात केली आहे. दोन्ही उमेदवारांनी विजयासाठी जय्यत तयारी सुरू केली आहे. अशातच श्रीरंग बारणे यांच्या प्रचारासाठी मावळ लोकसभा मतदारसंघामध्ये अजित पवार येणार का? अशी चर्चा सुरू आहे.